روسیا.. ڕێژه‌ی توشبوون به‌ كۆرۆنا له‌ هه‌ڵكشاندایه‌

.

كاربه‌ده‌ستدانی ته‌ندروستی روسیا ئامارێكی نوێیان سه‌باره‌ت به‌ ڤایرۆسی كۆرۆنا له‌ وڵاته‌كه‌یان بڵاوكرده‌وه‌و ئاماژه‌یان به‌وه‌داوه‌، له‌ 24 سه‌عاتی رابردوودا 9 هه‌زار و 200 حاڵه‌تی نوێی توشبوون به‌ ڤایرۆسی كۆڤید 19 له‌ سه‌رانسه‌ری روسیا تۆماركراوه‌ و كۆی توشبووانی به‌و ڤایرۆسه‌ له‌ روسیا گه‌یشتۆته‌ 272 هه‌زار و 43 كه‌س.

ته‌ندروستی روسیا ئاماژه‌ی به‌وه‌شداوه‌، هه‌ر له‌ 24 سه‌عاتی رابردوودا 119 حاڵه‌تی نوێی گیان له‌ده‌ستدان به‌ ڤایرۆسه‌كه‌ تۆماركراوه‌ و كۆی گیان له‌ده‌ستدانیش بۆ 2 هه‌زار و 537 حاڵه‌ت به‌رزبووه‌ته‌وه‌، هه‌روه‌ها له‌ 24 سه‌عاتی رابردوودا 4 هه‌زار و 940 نه‌خۆش ڤایرۆسه‌كه‌یان تێپه‌ڕاندووه‌ و به‌ته‌واوی چاكبوونه‌ته‌وه‌ و كۆی چاكبووه‌كانیش گه‌یشتوه‌ته‌ 63 هه‌زار و 166 كه‌س نه‌خۆش.

هه‌ر به‌پێی نوێترین ئامار ئێستا روسیا له‌ پله‌ی دووه‌می رێزبه‌ندی زۆری توشبووانی ڤایرۆسی كۆڤید 19 یه‌ له‌ جیهاندا له‌دوای ئه‌مریكا.

PUKmedia ئاژانسه‌كان