پزیشكێكی فەرەنسی: كۆرۆنا تەواو دەبێت و شەپۆلی دووەم نابێت

.

پزیشكێكی فەرەنسی بەناوبانگ ئاشكرایكرد: كۆرۆنا تەواو دەبێت و شەپۆلی دووەمی بڵاوبوونەوەی ئەو ڤایرۆسە نابێت.

 دكتۆر دیدییە راوول پزیشكی بەناوبانگی فەرەنسی و  سەرۆكی بەشی نەخۆشیە گواستراوەكان لەنەخۆشخانەی مارسیلیا بڵاویكردەوە: ڤایرۆسی كۆرۆنا نزیكبۆتەوە لەتەواوبوون و بەدووریزانی شەپۆلی دووەمی بڵاوبوونەوەی ئەو ڤایرۆسە رووبدات كە بەهۆیەوە تائێستا زیاتر لە 300 هەزار كەس لەسەرتاسەری جیهان بوونەتە قوربانی.

ئەو پزیشكە فەرەنسیە لەتۆڕی تویتەر بڵاویكردەوە: بڵاوبوونەوەی ڤایرۆسی كۆرۆنا بەشێوەیەكی بەرچاو پاشەكشەی كردووە و پێشبینیكرد رێژەی تووشبوون بەشێوەیەكی زۆر فراوان تۆمار نەكرێت، بەڵكو قەیرانەكە بەرەو كۆتایی بڕوات.

راشیگەیاند: بەپێی سەرجەم ئاماژەكان بەڵگەن لەسەر ئەوەی ڤایرۆسی كۆرۆنا بەرەو كۆتایی دەڕوات و هەندێك حاڵەت لێرە و لەوێ دەردەكەوێت، بەڵام جارێكی دیكە شەپۆلی بڵاوبوونەوەی ئەو ڤایرۆسە هاوشێوەی رابردوو نابیننەوە.

PUKmedia