فراکسیۆنی یەکێتی:ناچینەوە کۆبونەوەی پەرلەمان

.

سەرۆکی فراکسیۆنی یەکێتی لە پەرلەمانی کوردستان رایگەیاند: کێشە لە دەستەی سەرۆکایەتی پەرلەمان هەیە و هەتا رێکنەکەون و میکانیزمی کارکردن نەگۆڕن بەشداری کۆبونەوەکان ناکەین.

جەمال حەوێز سەرۆکی فراکسیۆنی یەکێتیی نیشتمانیی کوردستان لە پەرلەمانی کوردستان لە کۆنگرەیەکی رۆژنامەوانیدا دوای کۆبونەوەی ٦ فراکسیۆن لەگەڵ سەرۆکی پەرلەمان رایگەیاند: ئێمە گەیشتینە ئەو ئەنجامەی بەشداری هیچ کۆبونەوەیەک ناکەین هەتا دەستەی سەرۆکایەتی پەرلەمان بانگهێشتی هەموو پەرلەمانتاران دەکات.

وتیشی: پێمان وایە دەستەی سەرۆکایەتی هەم پەیڕەوی ناوخۆی پەرلەمانی پێشێل کردوەو هەم رێککەوتن نامەی نێوان پارتی و یەکێتی بۆ پێکهێنانی حکومەت و پەرلەمان، کە یەکێک لە خاڵەکانی بریتیە لەوەی سەرۆک و جێگری سەرۆکی پەرلەمان بە رێککەوتن کاربکەن، کەبەداخەوە هەفتەی رابردوو ئەو رێیککەوتنە شکێندرا.

ئاماژەی بەوەشکرد، کە کێشە لە دەستەی سەرۆکایەتی پەرلەمان هەیە و هەتا رێکنەکەون و میکانیزمی کارکردن نەگۆڕن بەشداری کۆبونەوەکان ناکەین.

PUKmedia تایبەت

لینكی یارمەتیدەر بۆ بینینی ڤیدیۆیەكە