رێواز فایەق: بانگهێشت بۆ كۆبوونەوە ناكەم

.

سەرۆكی پەرلەمانی كوردستان رایگەیاند:پەرلەمان كۆنابێتەوە تا ئەوكاتەی نەبێتە شوێنی خواستنی هەموو لایەنەكان و باس لەكێشەكانی خەڵكی كوردستان بكات، ئەوكاتە كۆدەبێتەوە كە بەشكۆیەكی تایبەت و متمانەیەكی تایبەت بچێتەوە ناو پەرلەمان.

د.رێواز فایەق سەرۆكی پەرلەمانی كوردستان لەكۆنگرەیەكی رۆژنامەوانیدا رایگەیاند:پەیامی فراكسیۆنەكانمان وەرگرت و سەردانی ئێمەیان كرد، دواتر بڕیار دەدەین كەی لەگەڵیان كۆدەبینەوە، چۆن ئەوان نیگەرانییان هەیە لە سەرۆكایەتی پەرلەمان، منیش وەك سەرۆكی پەرلەمان نیگەرانیم هەیە.

وتیشی: پەرلەمان كۆنابێتەوە تا بەوشێوەیەی لێنەیەت كە خواستی هەموو ئەو هێزانەیە كە لەنێو پەرلەمانی كوردستان هەن، پەرلەمان ئەوكاتە كۆدەبێتەوە باس لەكێشەكانی خەڵكی كوردستان بكات و ئەوكاتە كۆدەبێتەوە كە بەشكۆیەكی تایبەت و متمانەیەكی تایبەت بچێتەوە ناو پەرلەمان.

 سەرۆكی پەرلەمان راشیگەیاند: بانگهێشت بۆ كۆبوونەوە ناكەم تا نەگەمە ئەو بڕوایەی كە كۆبوونەوە سودی هەیە بۆ خەڵكی كوردستان.

PUKmedia تایبەت

لینكی یارمەتیدەر بۆ بینینی ڤیدیۆیەكە