یه‌ك ملیۆن و 613 هه‌زار تووشبووی كۆرۆنا له‌جیهان چاكبوونه‌ته‌وه‌

.

به‌پێی دواین ئاماره‌ ڕه‌سمیه‌كان ژماره‌ی تووشبووانی ڤایرۆسی كۆرۆنا له‌سه‌رتاسه‌ری جیهان گه‌یشتۆته‌ زیاتر له‌ چوار ملیۆن و 354 هه‌زار كه‌س.

ژماره‌ی ئه‌و كه‌سانه‌شی به‌هۆی ئه‌و ڤایرۆسه‌وه‌ بوونه‌ته‌ قوربانی 293 هه‌زار كه‌سی تێپه‌ڕاند و هه‌روه‌ها زیاتر له‌یه‌ك ملیۆن و 613 هه‌زار تووشبوو چاكبوونه‌ته‌وه‌.
ئه‌مریكا به‌یه‌كه‌م وڵاتی زه‌ره‌رمه‌نبدوونی بڵاوبوونه‌وه‌ی ڤایرۆسی كۆرۆنا له‌جیهان داده‌نرێت و زیاتر له‌یه‌ك ملیۆن و 408 هه‌زار تووشبوو له‌و وڵاته‌ تۆماركراوه‌ و زیاتر له‌ 83 هه‌زار كه‌سیش بوونه‌ته‌ قوربانی.

هاوكات ئیسپانیا له‌پله‌ی دووه‌مدایه‌ و زیاتر له‌ 269 هه‌زار حاڵه‌تی تووشبوون به‌كۆرۆنا و زیاتر له‌ 26 هه‌زار قوربانی له‌و وڵاته‌ تۆماركراوه‌ و له‌رووسیاش زیاتر له‌ 242 هه‌زار تووشبوون به‌كۆرۆنا تۆماركراوه‌.

له‌به‌ریتانیاش زیاتر له‌ 226 هه‌زار تووشبوون به‌ڤایرۆسی كۆرۆنا و زیاتر له‌ 32 هه‌زار قوربانی تۆماركراوه‌ و له‌وڵاتی ئیتاڵیا زیاتر له‌ 221 هه‌زار تووشبوو تۆماركراوه‌ و زیاتر له‌ 30 هه‌زار كه‌سیش له‌و وڵاته‌دا بوونه‌ته‌ قوربانی.

PUKmedia  ڕاگه‌یاندنی ته‌ندروستی سلێمانی