له‌ ڕێگه‌ی باجه‌وه‌ كار بۆ زیادكردنی به‌رهه‌می ناوخۆیی ده‌كرێت

.

وه‌زاره‌تی كشتوكاڵی هه‌رێم له‌ ڕێگه‌ی دانان و زیادكردنی باج له‌سه‌ر به‌رهه‌می هاورده‌، هانی جوتیاران ده‌دات بۆ زیادكردنی به‌رهه‌می ناوخۆیی.

به‌ پێی نوسراوێكی وه‌زاره‌تی كشتوكاڵ و سه‌رچاوه‌كانی هه‌رێم، بۆ پاراستنی به‌رهه‌می خۆماڵی له‌ ڕۆژی 10ی ئاداره‌وه‌ نوسراویان كردووه‌ بۆ به‌ڕێوه‌به‌رایه‌تی گشتی گومرگ له‌ وه‌زاره‌تی دارایی و لیستی هه‌موو به‌رهه‌مه‌ قه‌ده‌غه‌كراوه‌كان و ئه‌وانه‌شی باجیان له‌سه‌ره‌ بۆیان ناردوون، ئه‌گه‌ر پێویستی كرد باجی زیاتریش ده‌خه‌نه‌ سه‌ر به‌رهه‌می هاورده‌.

ڕوونیشیكرده‌وه‌، هه‌رچه‌نده‌ ده‌رگای بازاڕی عیراق بۆ به‌رهه‌می ناوخۆی هه‌رێم واڵایه‌، به‌ڵام به‌هۆی پێگه‌یشتنی به‌رهه‌مه‌كانی خۆیان، بازاڕه‌كانیان پێویستیان به‌ به‌رهه‌می هه‌رێم نییه‌، له‌ ناوخۆی هه‌رێمیشدا خستنه‌ بازاڕ زیاتره‌ له‌ خواست و هه‌روه‌ها به‌ شێوه‌یه‌كی گشتی خواست له‌سه‌ر هه‌موو به‌رهه‌مێك كه‌می كردووه‌.

PUKmedia وه‌زاره‌تی كشتوكاڵ و سه‌رچاوه‌كانی ئاو

 ده‌قی نوسراوی وه‌زاره‌تی كشتوكاڵ بۆ به‌ڕێوه‌به‌رایه‌تی گومرگ