پرسی گەرمی لامەركەزی
بیروڕا 02:08 PM - 2020-05-06.
لامەركەزیی ئەو وشەیە كە زۆرجار گوێمان لێی دەبێت، پرسێكە ناوبەناو دەوروژێنرێت، ئەمە ئەو باس و خواسەیە كە زۆرجار دەبێتە بابەتی گەرمی رۆژ و رۆژنامە و راگەیاندنەكان تەنانەت هاووڵاتی ئاسایی و سادەش و جۆرەكانی حوكمڕانی لە وڵاتاندا جیاواز و جۆراوجۆرن، بەڵام ئێستا لەدنیای كرانەوە و پێشكەوتندا سیستمی حوكمڕانیی لامەركەزی باوترینیانە و ئەو دەسەڵاتەی لە لامەركەزیدا پیادە دەكرێت پێچەوانەی دەسەڵات و حوكمڕانیی مەركەزییە.
بەكورتی كاتێك باسی سیستمی مەركەزیی دەكەین و دواتریش باس لە شێوازی سیستمی لامەركەزیی دەكەین، لایەنی ئەرێنی و نەرێنی هەردوو جۆرەكە لە پیادەكردنی حوكمڕانی مەركەزیی و لامەركەزیی دەخەینەڕوو. سەرەتاش لە حكومرانی مەركەزییەتەوە دەست پێدەكەین ئەم جۆرەیان لە حوكمڕانی بریتییە لە كۆكردنەوە و قۆرخكردنی دەسەڵاتی یەكە كارگێڕیی و ئابووریی و پیشەییەكان كە بەشێوازێكی ستونی و هەڕەمی دەسەڵاتەكان كۆكراوەتەوە لە دەستی سەرۆكی ئەنجومەنی وەزیران و تاڕادەیەك وەزیرەكاندا، ئەم شێوازەش لە حوكمڕانی لایەنە نەرێنییەكەی زیاترە لە ئەرێنی.
لەسادەترین نموونەدا دەبێتە هۆكاری جیاوازیی و ناعەدالەتی لە نێوان پارێزگا و شارەكاندا بەتایبەتی لە بوارەكانی ئابووریی و كارگێڕیی و پیشەیی، هاوكات دروستكردنی لەمپەر و رۆتینات بۆ ئیشوكاری رۆژانەی هاووڵاتیان لە دامودەزگا فەرمییەكانی حكومەت و زۆرجار بڕیارەكان دەكەونە سەر میزاجی كەسی و دواجار بارگرانیی مادی و مەعنەوی هاووڵاتی لێدەكەوێتەوە.
بێگومان ئەزموونی هەرێمی كوردستانیش ئەوجۆرە حوكمڕانییەی تاقیكردۆتەوە كە هاوسەنگ و سەركەوتوو نەبووە، بەڵكو لاسەنگ بووە بە تایبەتی لە پڕۆژە خزمەتگوزارییەكان و لایەنی دارایی و جۆرێك لە جیاوازیی پێوە دیاربووە لە ئیدارەدان و بەڕێوەبردنی یەكە كارگێڕیی و ئابورییەكاندا لەنێوان شارو ناوچەكاندا.
بەڵام ئەگەر باس لە گرنگیی سیستم و حوكمڕانیی لامەركەزیی بكەین كە باوترین شێوازە لە حوكمڕانیی ئێستای جیهاندا، شێوازی حوكمڕانیی لامەركەزیی بریتییە لە شۆڕكردنەوەی دەسەڵات و بچوككردنەوە و وردكردنەوە و پێدانی دەسەڵات بە پارێزگار و قایمقام و یەكە ئیدارەییەكان بە ئامانجی كەمكردنەوەی رۆتینات و راییكردنی مامەڵە و ئیش و كاری هاووڵاتیان و باش بەڕێوەچوونی یەكە كارگێڕیی و ئابووریی و پڕۆژە خزمەتگوزارییەكانی تر.
ئەم جۆرە لە دەسەڵات بە شێوەیەكی ئاسۆیی لە رێگای پارێزگار و قایمقامەكانەوە شۆڕدەبێتەوە بۆ فەرمانگە و دامودەزگاكانی تری حكومەت بەمەبەستی ئاسانكاریی و باشتر بەڕێوەچوونی ئیشوكاری رۆژانەی هاووڵاتیان و راییكردنی مامەڵە و پڕۆژە خزمەتگوزارییەكانی سەرجەم دامودەزگا فەرمییەكانی حكومەت، بێگومان سوودێكی تری لامەركەزییە بۆ كەمكردنەوەی كارە كەڵەكەبووەكان لەسەر سەرۆكی ئەنجومەنی وەزیران و وەزارەتەكان.
خاڵێكی تریش لە سوودە گرنگەكانی لامەركەزیی، دروستكردنی گیانی كێبڕكێیە لە نێوان پارێزگاو شارەكاندا و هەر پارێزگا و شارێك داهاتی ناوخۆ و خاڵە سنوورییەكانی كۆدەكرێتەوە و لە چوارچێوەی یاسادا خەرج دەكرێتەوە بەئامانجی خزمەتكردن و پڕۆژەسازیی و گەشەكردنی بازاڕ و كەرتی تایبەت لە هەمان شارو ناوچەدا، بەمجۆرەش جووڵەیەك لە وزەی دانیشتوون دروست دەبێت و هەلی كاریش دەڕەخسێنێت و چارەسەرێكیشە بۆ ئەم قۆناغەی كە خۆی لە قەیرانێكی سیاسیی و تەندروستی و مرۆیی و ئابووریدا دەبێنێتەوە.
سەرئەنجام بێنەوبەردەی ململانێی سیاسی و شارچێتی كاڵ دەكاتەوە و لایەنی دەروونیی مرۆیی و سایكۆلۆژیای مرۆڤ ئارام دەكاتەوە، دواجار بەچارەسەری بەشێك لە تەندروستیی مرۆیی و ئابووریش دێتە چارەسەركردن.
ئەوەی پێویستە بزانرێت ئەوەیە هیچ حوكمڕانییەك نییە تەواو پێرفێكت بێت و هیچ حوكمڕانییەك نیە سەرلەبەری نەرێنی بێت، بەڵكو هەموو شتێك رێژەییە، بەڵام پێویستە لەنێوان باش و باشتریندا، باشترینەكە هەڵببژێردرێت، بەپێچەوانەشەوە لەنێوان خراپ و خراپتریندا ئەوەیان هەڵبژێردرێت كە كەمترین زیانی هەیە.
ئەوەی كە ئاماژەمان پێدا بەشێك بوو لە ناوەڕۆكی حوكمڕانیی مەركەزیی و لامەركەزیی و بۆ پیادەكردن و پێڕەوكردنی لامەركەزیش، هیچ پاساوێكی یاسایی نییە كە رێگربێت لە بەرامبەر ئەو پرسەدا، بەڵكو بە پێچەوانەوە لە پەرلەمانی كوردستان یاسای ژمارە 3 ساڵی 2009دا یاسای ئەنجومەنی پارێزگاكان دەرچووە، بەڵام هێشتا نەچۆتە بواری جێبەجێكردنەوە، ئیتر هۆكارەكەی هەرچییەك بێت رەنگە هۆكارەكەی سیاسی بێت، یاخود نەڕەخساندنی كەش و هەوایەكی كارگێڕیی گونجاوبێت، بەڵام دواجار پاڵپشتێكی یاسایی هەیە لەهەر كاتێكدا و لەدوای دەردەشە و گرتنەبەری رێوشوێنی یاسایی و كارگێڕیی و سیاسی دەتوانرێت سیستمی لامەركەزیی پەیڕەو بكرێت لە حوكمڕانیدا و بخرێتە بواری جێبەجێكردنەوە، سەرەنجام ببێتە هۆكاری بوژاندنەوە و دەربازبوون لەم دۆخە چەقبەستووەی ئێستا .
ن/ عەتا تەها
PUKmedia تایبەت
هەواڵی زیاتر
-
داهاتی یەک هەفتەی سلێمانی زیاتر لە 20 ملیارە
09:29 AM - 2024-04-26 -
شاڵاو کۆسرەت رەسوڵ: باشترین خزمەتگوزاری پێشکەش بکرێت
07:44 PM - 2024-04-25 -
شاڵاو کۆسرەت رەسوڵ: لیژنە بۆ رووداوی کوشتنی خەسرۆ گەردی پێکبهێنرێت
04:57 PM - 2024-04-25 -
وەسفییە... ماندوویەکی رووخۆش
12:25 PM - 2024-04-25
ئەمانەش ببینە
وتهبێژی كۆمسیۆن: 10ی ئایار بانگەشەی هەڵبژاردن دەستپێدەکات
01:36 PM - 2024-04-25
لە هەولێر و بەغدا زۆرترین پێشێلکاری بەرامبەر رۆژنامەنووسان ئەنجامدراوە
05:13 PM - 2024-04-24
پەیامی یەکێتی دەگەیەنرێتە بەرەی تورکمانی
05:01 PM - 2024-04-24
ئهمریكا: ئازادی رۆژنامهنوسی و مافی مرۆڤ لهههرێم خراپتر بووه
12:30 PM - 2024-04-24
زۆرترین خوێنراو
-
یەک لە سوارچاکانی قازان
بیروڕا 10:03 AM - 2024-04-26 -
زیاتر لە 107 هەزار دەنگدەری هەرێم كارتی بایۆمەتری وەردەگرنەوە
کوردستان 09:59 AM - 2024-04-26 -
داهاتی یەک هەفتەی سلێمانی زیاتر لە 20 ملیارە
کوردستان 09:29 AM - 2024-04-26 -
لە یادی بۆردومانی هەڵەبجەدا
بیروڕا 11:03 PM - 2024-04-25 -
هاوخەمی قوباد تاڵەبانی بۆ خانەوادەی خاتوو نیعمەت
پرسەنامە 08:13 PM - 2024-04-25 -
پرسەنامەی مەکتەبی سیاسی بۆکۆچی دوایی خاتوو نیعمەت
پرسەنامە 07:58 PM - 2024-04-25 -
شاڵاو کۆسرەت رەسوڵ: باشترین خزمەتگوزاری پێشکەش بکرێت
کوردستان 07:44 PM - 2024-04-25 -
شاڵاو کۆسرەت رەسوڵ: لیژنە بۆ رووداوی کوشتنی خەسرۆ گەردی پێکبهێنرێت
کوردستان 04:57 PM - 2024-04-25