ئەكیدم

.

ئەكیدم

–جاران وام ئەزانی كورد زۆر ساویلكەیە.
+ئەی ئێستا؟
–ئێستا ئەكیدم.
***
–توند و تیژی كارێكی زۆر خراپە براكەم.
+ئەی حەل؟
–بە زمانی شیرین كەری بكە.
***
–ئەم بەشەرەش سەیرە ها.
+بۆچی سەیرە؟
–خۆی بە رێكەوت هاتۆتە دنیاوە كەچی بەرنامەی بۆ دائەنێ.
***
–كە گەورە بوویت حەز ئەكەی ببیت بەچی؟
+بە رۆناڵدۆ… ئەی تۆ؟
–من حەز ئەكەم ببم بە كوری مەسئول.
***
–بەڕاستی دنیا هیچ و پووچ و خوێڕییە… تف
+خێر، چی بووە؟
–دەفەرموو ئەڵێ چی بووە… ئەها چۆن چاكەی نەوتی دایەوە.
***
–یەك تۆز شەرم و حەیای هەبوایە لەم وەزعە ناخۆشەدا ئاوا خۆی نە ئەڕازاندەوە.
+كێ؟
–بەهار.
***
–عادەتەن من پارشێوان شتێكی سووك ئەخۆم.
–موشكیلەی مەعیدەت هەیە.
–نەشكور، بەڵام ئەگەر وا نەكەم بەیانیان هیچم پێ ناخورێ.