عارف و شتەكانی تر


*لەگەڵ رێزی بێ پایانمدا، مەسئولەكانی سلێمانی لە دوو لۆ و سێ لۆی مڕ ئەچن، نە دەوێریت فڕێیان بدەیت، نە ئیستیفادەشیان ھەیە.

*ئاخ خۆزگە من كوڕی فوئاد حسێن بوومایە، ئەچوم لەو بەردەركی سەرایە حاشام لێ ئەكرد.

*عارفێك ئەگەر وەك عارف صائیب تیرۆر نەكرێت و بە قەدەرعارف قەزوینی بەھرەمەند نەبێ و لە دەنگخۆشیدا نەچوبێتەوە سەرعارف جەزراوی و وەكو باوكی عەلی عارف ئاغا شاعیری چاك نەخاتەوە، عارف روشدییەكە لەو گۆڕەی.

*وابزانم تاوەبارانەكەی پێرێ شەو لەقتەیەكی ناو فلیمەكەی حەزرەتی نوح بوو.

*ئەو رەمەزانەی كە كورد بۆی نەچێتە سەرەی شەربەت و لوقمە قازییەوە رەمەزان نییە، مانگی سەفەرە.

*بووین بە نەوت، رۆژ بە رۆژ سووكتر دەبین.

*كۆنكەن دوو جۆكەری تیایە، بارەگا حزبییەكەی گەڕەكی خۆمان دەدوانزەیەك.

*بەس بمزانیایە مانگی مایس چۆن رووی ھات بێت!!

*كەر بە دوای داھاتی حكومەتی ھەرێمدا دەگەڕێت، كەرتر لە گۆگڵدا.

*ئیھمال كراوم، وەك مەعنا لە شیعری كوردیی ئێستادا.

*كوێراییم دابێ، ئەگەر ئەو ساڵەش كۆرۆنا داكەوتایە، ئیمامی عەلی شەھید نە ئەبوو.