نرخی نەوت بەرزدەبێتەوە

.

بەبەراورد بە رۆژی پێنج شەممە بۆ ئەمڕۆ شەممە نرخی نەوتی خاو و پرێنت لە بازارەکانی جیهان بەنزیکەیی ٢ دۆلار بەرزدەبێتەوە.

ماڵپەڕی ئنڤێستینگ نرخی یەک بەرمیل نەوتی خاوی بۆ ئەمڕۆ شەممە بە ١٩ دۆلار و ٧٠ سەنت دەستنیشانکرد و نرخی یەک بەرمیل نەوتی پرێنتیشی بە ٢٦ دۆلار و ٦١ سەنت دەستنیشانکرد.

ئەمە لە کاتێکدایە رۆژی پێنج شەممە ٣٠-٤-٢٠٢٠ نرخی یەک بەرمیل نەوتی خاو ١٧ دۆلار و ٣٥ سەنت بوو، نرخی یەک بەرمیل نەوتی پرێنتیش ٢٤ دۆلار و ٨٧ سەنت بوو، بەو پێیەش بە نزیکەیی ٢ دۆلار نرخی نەوت بەرزبوەتەوە.

کەمبونەوەی کاریگەرییەکانی ڤایرۆسی کۆرۆنا و کەمبونەوەی قەدەغەی هاتووچۆو کاریگەری لەسەر بەرزبونەوەی نرخی نەوت دەکات.

PUKmedia ئنڤێستینگ