لامەرکەزیەت، کورتەیەک لەمێژووی ئیدارەی کوردی
بیروڕا 06:07 PM - 2020-04-27.
هونەر تۆفیق
- لەپێش زاییندا ، ئەم شوێنەی ناوی کوردستانە(باکووری میزۆپۆتامیا )سێ بەش بوو لەنێوان ئاشووری ، بابلی ، میدیەکاندا .
- سیستەمی ئیداری میدیەکان ( کەدواتر سەرجەم ئیمپراتۆریەکانی تری ئێران پەیڕەویان کرد ) خشترۆپانی بوو . خشترپاون لەزمانی ئاڤێستاییدا دەکاتە یەکەی ئیداری ، یۆنانیەکان ئەو سیستەمە ئیداریەیان ناونابوو ساتراپ ( کە ئەسکەندەر حوکمی ناوچەکەی کرد ، هەمان نیزامی ئیداری پەیڕەو کردەوە ) دەستەواژەی خشترپاون - ساتراپ لەزمانی ئێرانی کۆندا دەگۆڕێت بۆ شاراب و دواتر لە فارسیدا دەبێت بە شەهرەداری و لەکوردیدا دەبێت بە شارەوانی .
- سنووری هەر یەکەیەکی ئیداری بە مەرزبان ناونراوە . ئێستاش وشەی مەرز بۆ سنوور بەکاردێت .
- کاتێک عەرەبەکان ، ساسانیەکانیان ڕوخاند ، خۆیان ئیمپراتۆریەتی خەلافەتیان دامەزراند سیستەمی ئیداریان گۆڕی بۆ ئەقالیم . کورد بەر دوو ئیقلیم کەوتن . ئیقلیمی جیبال لە رۆژهەڵات تا دیجلە و ئیقلیمی جزیرە لە رۆژئاوا تا فورات .
- عەباسیەکان شێوازی ئیداریان گۆڕی بۆ ولایەت . کورد بەر سێ ولایەت کەوت : ولایەتی دیاربەکر ، ولایەتی جزیرە ، ولایەتی جیبال ( ئازەربیجان )
- لە سەدەی ١٢ وە ، کە مەغولەکان هاتن ، هەڵمەتە یەک لەدو یەکەکانی جەنگیزخان ، هۆلاکۆ ، تەیمورلەنگ ، لە ناوچەکەدا فەوزابوو ، یەکەی ئیداری و سیستەم نەما . هەر میرێک ناوچەکەی خۆی دەپاراست . لەوێوە سیستەمی ئیمارات ( میرنشین ) دروست بوو . کورد چەند ئیمارەتێکی لەناوخۆدا دروستکرد ( ئەردەڵان ، بۆتان ، سۆران )
- لەماوەی شەش سەدەدا ، میرنشینەکان بەپێ ی شەڕی نێوانیانەوە ، هەندێک گەورەدەبوون و ئەوانی تریان لەناو دەبرد ، هەندێکیان لاواز و بچوک دەبوونەوە ، هەندێکی تر بەهێز و فراوان دەبوون . بەهۆی لەناوبردنی زلهێزەکانەوە لەلایەن مەغولەکانەوە ئیمپراتۆرتی مەرکەزی نەمابوو ، میرنشینەکان خۆیان مەرکەزی خۆیان بوون .
- لەسەدەی ١٦ دا دوو زلهێزی نوێ لە ناوچەکەدا دروست بوون ، ئێرانی و عوسمانی . بەشێک لە میرە کوردەکان بە نێوەندگری میر ئیدریس بەدلیسی دایانە پاڵ عوسمانیەکان و بەشێکی بوونە لایەنگری ئێرانیەکان .
- عوسمانیەکان یەکەی ئیداری ولایاتیان پەیڕەوکرد ، لەبەشەکەی خۆیاندا میرنشینەکوردەکانیان بەسەر ولایەتەکانی موسڵ ، دیاربەکر ، ئەرمینیا ، حەلەب و بەغدادا دابەشکرد . میرەکان مەرکەزیان بوو بە مەرکەزی ولایەت و پایتەخت - ئەستەنبوڵ و باب عالی - سوڵتان .
- ئێرانیەکانیش بەهەمان شێوە میرنشینە کوردەکانیان خستە ناو یەکە ئیداریەکانی کرمانشان و ئەردەبیل و ئازەربیجانەوە .
- لە ناوەڕاستی سەدەی ١٩ دا عوسمانیەکان هەوڵی ریفرۆم و مۆدێرنیتەیان هەبوو ، بەچاولێکردن لە سیستەمی ئیداری فەرەنسیەکان ، سیستەمی میرنشینیان لە ولایەتەکاندا هەڵوەشاندنەوە ، یەکەی ئیداری سنجق ( لیوا - پارێزگا) یان پەیڕەوکرد .
ولایەتی موسڵ کرا بەسێ سنجق : سلێمانی ، شارەزوور ، موسڵ (وەک لەنەخشەکەدا دیارە )
- لە دروستبوونی دەوڵەتی عێراقدا ، سیستەمی ولایات هەڵوەشایەوە ، لەسەر پاشماوەی سنجقە عوسمانیەکان ، یەکەی ئیداری لیوایان پەیڕەوکرد .
- لە ١١ی ئازاری ١٩٧٠ دا ،عێراق بەڕێکەوتن لەگەڵ کوردەکاندا ، سیستەمی ئۆتۆنۆمی بۆ سلێمانی ، هەولێر ، دهۆک پەیڕەو کرد .
- لە ئۆکتۆبەری ١٩٩١ دا عێراق لەهەرێم کشایەوە ، بۆشایی ئیداری لەو سێ پارێزگایەدا دروست بوو .
- لە ١٩٩٢ دا کوردەکان پارلەمانیان لەناوچە ئۆتۆنۆمیەکەیاندا دامەزراندەوە ، لەسەر شێوازی حوکمی تۆتۆنۆمیەکەی ١٩٧٠ ، حکومەتی ئۆتۆنۆمیان دروستکرد .
- لە ٣١ ئابی ١٩٩٦ دا حکومەتەکەیان بەهۆی شەڕی ناوخۆوە ڕوخا ، بەشێکیان بەهاوکاری عێراق هەولێر و دهۆکیان بەڕێودەبرد ، بەشێکیان سلێمانی .
- لە ٢٠٠٤ دا کوردەکان ڕێکەوتن هەردوو حکومەتەکە بکەنەوە بەیەک .
- لە ٢٠٠٥ دا عێراق بەپێ ی دەستووری نوێ ، سیستەمی هەرێمی فیدراڵی لەشوێن ئۆتۆنۆمی کورد بۆ بەرێوەبردن پەسەند کرد .
- لە ٢٠١٧ کوردەکان هەوڵی جیابوونەوەیان لە عێراق دا و شکستیان هێنا . گەڕانەوە ناو سیستەمی ئیداری عێراق . بەڵام توشی دابڕانی ئابووری و ئیداری بوون لەگەڵ بەغدا .
- لە ٢٠٢٠ دا داوایەک هەیە بۆ پێداچوونەوە بە سیستەمی ئیداری کوردیدا ، پێشنیاری لامەرکەزی ئیداری و مالی لەناو خۆی هەرێمدا هەیە . وەک چارەسەریەک بۆ ئەو قەیرانە سیاسی و ئابووری و ئیداریانەی توشی هەرێمەکە بووە .
هەواڵی زیاتر
-
قوباد تاڵەبانی بۆ خوێندکاران: بەسیاسەتی چەپکە گوڵەکەی مام درێژە بەخەبات بدەن
07:59 PM - 2024-04-26 -
داهاتی یەک هەفتەی سلێمانی زیاتر لە 20 ملیارە
09:29 AM - 2024-04-26 -
شاڵاو کۆسرەت رەسوڵ: باشترین خزمەتگوزاری پێشکەش بکرێت
07:44 PM - 2024-04-25 -
شاڵاو کۆسرەت رەسوڵ: لیژنە بۆ رووداوی کوشتنی خەسرۆ گەردی پێکبهێنرێت
04:57 PM - 2024-04-25
ئەمانەش ببینە
قوباد تاڵەبانی: لێکۆڵینەوەی ورد لەو هێرشە درۆنییەی کۆرمۆر بکرێت
08:58 PM - 2024-04-26
سەرۆک بافڵ: خوێندکاران رۆحی ئەم کۆمەڵگەیەن
06:58 PM - 2024-04-26
زیاتر لە 108 هەزار دەنگدەری هەرێم كارتی بایۆمەتری وەردەگرنەوە
09:59 AM - 2024-04-26
وتهبێژی كۆمسیۆن: 10ی ئایار بانگەشەی هەڵبژاردن دەستپێدەکات
01:36 PM - 2024-04-25
زۆرترین خوێنراو
-
داوای لێکۆڵینەوەی بەپەلە لە هێرشە درۆنییەکەی کۆرمۆر دەکرێت
کوردستان 09:51 PM - 2024-04-26 -
قوباد تاڵەبانی: لێکۆڵینەوەی ورد لەو هێرشە درۆنییەی کۆرمۆر بکرێت
کوردستان 08:58 PM - 2024-04-26 -
قوباد تاڵەبانی بۆ خوێندکاران: بەسیاسەتی چەپکە گوڵەکەی مام درێژە بەخەبات بدەن
کوردستان 07:59 PM - 2024-04-26 -
سەرۆک بافڵ: خوێندکاران رۆحی ئەم کۆمەڵگەیەن
کوردستان 06:58 PM - 2024-04-26 -
هاوخەمی قوباد تاڵەبانی بۆ کۆچی دوایی ئەیوب محەمەد
پرسەنامە 12:33 PM - 2024-04-26 -
یەک لە سوارچاکانی قازان
بیروڕا 10:03 AM - 2024-04-26 -
زیاتر لە 108 هەزار دەنگدەری هەرێم كارتی بایۆمەتری وەردەگرنەوە
کوردستان 09:59 AM - 2024-04-26 -
داهاتی یەک هەفتەی سلێمانی زیاتر لە 20 ملیارە
کوردستان 09:29 AM - 2024-04-26