سامر غه‌زبان: هیچ بڕیارێك بۆ كه‌مكردنه‌وه‌ی مووچه‌ی فه‌رمانبه‌ران نه‌دراوه‌

.

وه‌زیری نه‌وتی عیراق ڕوونیكرده‌وه‌: هیچ بڕیارێك بۆ كه‌مكردنه‌وه‌ی مووچه‌ و ده‌رماڵه‌ی فه‌رمانبه‌ران نه‌دراوه‌ و داهاتی نه‌وتی عیراقیش له‌مساڵدا به‌راورد به‌ ساڵی 2019، بۆ نیوه‌ كه‌م ده‌كات.

سامر غه‌زبان وه‌زیری نه‌وتی عیراق، له‌ چاوپێكه‌وتنێكی ته‌له‌فزیۆنیدا، ڕایگه‌یاند: تا ئێستا هیچ بڕیارێك له‌ باره‌ی كه‌مكردنه‌وه‌ی مووچه‌ و ده‌رماڵه‌ی فه‌رمانبه‌رانی ده‌وڵه‌ت نه‌دراوه‌ و ئه‌م پرسه‌ ده‌كه‌وێته‌ ئه‌ستۆی كابینه‌ی نوێی حكومه‌تی عیراق، وتیشی: مووچه‌ی مانگی نیسانی فه‌رمانبه‌ران دابینكراوه‌.

سامر غه‌زبان له‌ درێژه‌ی چاوپێكه‌وتنه‌كه‌دا باسی له‌وه‌شكردووه‌: له‌ ساڵی 2019 دا، داهاتی نه‌وتی عیراق نزیكه‌ی 78 ملیار دۆلار بووه‌ و نرخی به‌رمیلێك نه‌وت له‌و كاته‌دا 61 دۆلار بووه‌، به‌ڵام به‌هۆی دابه‌زینی نرخی نه‌وت و قه‌یرانی دارایی، پێشبینی ده‌كرێت له‌ ساڵی 2020 دا، داهاتی نه‌وتی عیراق نزیكه‌ی 40 ملیار دۆلار بێت.

PUKmedia