بەبۆنەی 44  ھەمین ساڵەی دامەزراندنی كۆمەڵەی خوێندكارانی كوردستانەوە، سەرۆكایەتی یەكێتی بروسكەیەكی پیرۆزبایی ئاڕاستەی كۆمەڵەكە دەكات و رایدەگەیەنێت، كۆمەڵەی خوێندكاران لە تەمەنی زێڕینی رێكخراوەییدا خاوەن مێژووییەكی گەورە و رابردوویەكی پڕشانازییە هەر ئێوە پێشەوای راپەڕینەكانی خوێندكاران بوون دژی ستەمی بەعس.

دەقی بروسكەكە:
‎سەرۆكایەتی یەكێتیی بۆ كۆمەڵەی خوێندكاران : خۆتان نوێ بكەنەوە بە بیری نوێ و بەرنامەو پرۆژەی سەردەمیانەوە خزمەتی  خوێندكاران و پرۆسەی پەروەردەو خوێندن بكەن

‎بەڕێزان  سكرتێرو و ھەڤاڵانی سكرتاریەت و ئەندامانی كۆمەڵەی خوێندكارانی كوردستان.

بەبۆنەی 44  ھەمین ساڵەی دامەزراندنی كۆمەڵەی خوێندكارانی كوردستان گەرمترین پیرۆزبایی لەئێوە وئەندامانی كۆمەڵەكەتان دەكەین.

‎كۆمەڵەی خوێندكاران ، لە تەمەنی زێڕینی رێكخراوەیدا،  خاوەن مێژووییەكی گەورەو رابردوویەكی پڕشانازییە   هەرئێوە پێشەوای ڕاپەڕینەكانی خوێندكاران بوون دژی ستەمی بەعس، كەئەمە مێژووە بۆ قۆناغی داھاتووی كاركردنتان گرینگە وئەركی سەرشانتان قورستردەكات تا بە بەرنامەو ستراتیژی نوێوەوە  درێژە بەكاری رێكخراوەییتان بدەن  و لەسەنگەری پێشەوەی داكۆكیكردن بن بۆ بەدیھێنانی خەباتی خوێندكاران و خزمەتكردنی زیاترتان بە پرۆسەی پەروەردەو خوێندن .

‎پێویستە لەساڵی نوێی كاركردنتان، خۆتان نوێ بكەنەوە و گرنگی زیاتر بەتواناشاراوەكانی خوێندكاران بدەن و رێنیشاندەریان بن تا رۆڵی زیاتر بگێڕن لە خزمەتكردنی كایەكانی ژیان ، ئێوە دەبێت گرینگی زیاتر بەپەیوەندییەكانتان بدەن وڕۆڵ ببینن لەنێوەندە هەرێمایەتی وجیهانییەكاندا وەك یەكێتیی نیشتیمانیی كوردستان پشتیوانتان دەبین و پێكەوە بەبێ جیاوازی بیروباوەڕی حزبایەتی لە خزمەتی خوێندكاران دەبین لەپێناو پێگەیاندنی نەوەیەكی نوێی زانستخواز و ڕۆشنفكر.
‎ھەرشادو تەندروستبن

‎سەرۆكایەتی یەكێتیی نیشتمانیی كوردستان

PUKmedia تایبەت