کاک مەسرور تۆ راست دەکەی، بەڵام ..... !

کاک مەسرور تۆ راست دەکەی، بەڵام ..... !


17/4/2020 21:26:00
چاپ کردن
بە وێنەوە    بە بێ وێنە
           
.

ئەمڕۆ بەرێز سەرۆکی حکومەت لە پەیامێکیدا کە پێدەچی وەڵامی بەیاننامەی (م.س)ی یەکێـتی بێ دەڵێ: ھێزی پێشمەرگە بۆی ھەیە لە ھەر شوێنێک جێگیر بکرێ و بڕیار و رێنماییەکانیش تەنیا لە حکومەت وەربگرێ....

بەپێی لۆجیکی حوکمڕانی و یاسا بێ کەس ناتوانێ نکۆڵی لەو راستییە بکا، بەڵام ئایا سەرۆکی حکومەت لە خۆی ناپرسێ بۆچی ئەو لۆجیکە لەبەر چاو ناگیرێ ؟

بێگومان دەبێ بەپێی پێویست و لە ژێر فەرمانی حکومەت ھێزەکانی پێشمەرگە، ئاسایش و پۆلیس لە ھەر کوێ پێویست بکا جولەیان پێ بکرێ یان جێگیر بکرێن، بەڵام کامە ھێزی پێشمەرگە؟

- لیوەکانی سەر بەوەزارەت؟

- ھێزەکانی (٧٠) ؟

- ھێزەکانی (٨٠)؟

- زێڕەفانی؟

- بەرگری و فریاکەوتن؟

- ھێزە تایبەتیەکانی سوڵتانەکان؟

- کام ئاسایش:

ئاسایشی ھەولێر؟

- ئاسایشی سلێمانی؟

ئێمە دەزانین کاک مەسرور بارزانی لە مێژنییە چۆتە سەر کورسی حکومەت، بەڵام خۆ لە بارودۆخ و دیاردە نا بەجێیەکانی کوردستان بێ ئاگا نییە. تا پێی وابێ بڕیار و رێنماییەکان بە بێ رەچاوکردنی ھەلومەرجەکان بە سانایی و بێ کۆسپ جێبەجێ دەبن؟!

کاک مەسرور!

خەڵکی کوردستان چاوی لەوەیە نەک ھەر ئاشتی ھەتا ھەتایی لە کوردستان بەر قەرار بێ، بەڵکو چاویان لەوەیە ھێزەکانیش یەکبخرێنەوە، چەک تەنیا لە دەستی دەوڵەت بێ و ھێزەکان لە حزب بەدوور و حزبیش لە ھێزەکان خۆی بەدوور بگرێ، بۆ ئەوەی ھێزەکانمان ئەرکیان تەنیا پاراستنی سنورەکان و ئاسایشی ناوەخۆبێ، نەک بەرژەوەندی حزب و دەسەڵاتداران و مەقاشی ململانێ و شەڕێ‌ ناوەخۆ بن.

ئایا دەزانی ناردنی ھێزێکی سەر بەحکومەت بۆچی نیگەرانی لێ دەکەوێـتەوە؟

من حەز دەکەم لای خۆمەوە وەڵام بدەمەوە و دەڵێم: چونکە ھێشتا ھێزەکانی سەر بەیەک لایەنی سیاسی لە شەڕی ناوەخۆ وە تاکو ئێستا لە کۆلیتار، مامەرووت، مل تۆکر، کەپکی حەمەد ئاغا، تاراوە، شەکرۆک، زەردکان، کەپکی شیلانە، دێگەڵە جێگیرن، بە بێ ئەوەی ھیچ ھێزێکی نەیاریان بەرابەر بێ.... رۆژ بە رۆژیش بنکە و بارەگاکانیان قایم تر دەکرێن!

- نیگەرانن: چونکە، باش دەزانن سنورەکانی نێوان حکومەتی ھەرێم و تورکیا واڵان. کەچی دوای بیست ساڵیش دوای ھاتنی کۆتایی ھاتنی شەڕێ‌ ناوەخۆ سەنگەرکانی نێوان سلێمانی و ھەولێر ھەر ماون!

- یەکێـتەکان بە گومانن: چونکە، بە چاوی خۆیان دەبینن ھێشتا ھەندێ لەو فەرمانبەرانەی یەکێـتی لەبەرامبەر وازھێنانیان و بوونیان بە پارتی پارچەیەک زەوی شارەوانی و دەستکەوتی تریان لە موڵکی گشتی پێ دەدرێ!

- بە گومانن: چونکە، ھیچ ئەفسەر و پلەدارێکی لای سلێمانی بۆی نییە خۆی بگوازێـتەوە ھەولێر، یان دھۆک ئەگەر فۆرمێکی زەرد پڕ نەکاتەوە! (دەیان بەڵگەمان لەبەر دەستن)

- خەڵک دڵەراوکێی ھەیە: چونکە، دەترسن جارێکی تر زینی وەرتێ و بناری قەندیل ببێتەوە مەیدانی شەڕێکی تری نێوان تورکیا و پەکەکە.

یەکێتی نا ھەقی نییە بەگومان بێ، چونکە ھێزەکانی سەر بە وەزارەت (تێکەڵەکان) بۆیان نییە لە زۆر ناوچەی ھەولێر و دھۆک جێگیر بکرێن!

رەنگە کەسانێک ھەبن پێیان وابێ من لە روانگەی حزبایەتیەوە بەم شێوەیە ھەڵوێست دەردەبڕم، خۆ ئەگەر واشبێ ئامانجم تەنیا بیر خستنەوەی بەشێک لەو کۆسپ تەگەرانەی بەردەم حکومەتە بە ئومێدی چارەسەرکردن، چونکە بەم شێوەیە ھەر گیز کاروبارەکانی وڵات ئاسایی بەرێوە ناچن.

بەداخەوە، ئەم کوردستانە تەنیا بەدەستی قەیرانی کرۆناوە نا ناڵێنێ، بەڵکو چەندین ھەڕەشەی تریش چاویان لێ زەق کردۆتەوە و بۆمبی تەوقیتکراویش زۆرن. ھیوادارم ئەو گرژیانە بە باش بشکێنەوە و ببنە ھۆکارێک بۆ لێک تێگەیشتنێکی نوێی نێوان یەکێتی و پارتی، تاکو بەیەکەوە لەگەڵ لایەنەکانی تریش قۆناغە مەترسیدارەکان تێپەڕینین و ریفۆرم لەو سیستەمە حوکمڕانیە سەقەتە میلیشیاییە ترسناکە بکەین.

 

PUKmedia ئارێز عەبدوڵڵا

وێنە هەواڵ
  • image04
  • چوارتا.. رەشەبا دەیان درەختی لەڕەگ دەرهێنا

  • image04
  • .

  • image04
  • کۆبونەوەی مەکتەبی سیاسی یەکێتی

  • image04
  • 19ساڵ به‌سه‌ر گیانی سپاردنی شازاد سائیب تێده‌په‌ڕێت

  • image04
  • فراکسیۆنی یەکێتی لە ئەنجومەنی نوێنەرانی عیراق سەردانی پارێزگای هەڵەبجە دەکات

  • image04
  • سێ ساڵ بەسەر كۆچی كاكە نەوە سەركردەو دەستەی دامەزرێنەری یەكێتیدا تێدەپەڕێت

  • image04
  • داقوق.. سوتاندنی دەغڵودانی جوتیارە كوردەكان

  • image04
  • چوار ساڵ به‌سه‌ر رێككه‌وتنی ده‌باشان تێده‌په‌ڕێت


                                           

فرێد تەیفن: دڵخۆشم لە كوردستان گۆڕەپانێكییان بەناوكردووم


فرێد تەیفن لەدیدارێكی ڕۆژنامەنووسیدا باسی كەس و كاری قوربانییانی چەكی كیمایی ساڵی 1988 دەكات و خۆشحاڵی خۆی رادەگەیەنێت لەبەرامبەر ئەو گۆڕەپانەی كە بەناویەوە ك...


  كۆبنهاگن.. خۆپیشاندانێك بۆ كاره‌ دوژمنكارانه‌كان به‌رامبه‌ر به‌ كورد به‌ڕێوه‌چوو
  دانیمارك.. یه‌كێتی به‌شداری به‌خاكسپاردنی ته‌رمی مسته‌فای حه‌سه‌نه‌ گه‌وره‌ كرد
                                           

ئه‌سه‌سه‌رد: ده‌بێت پێداچوونه‌وه‌ به‌ په‌یوه‌ندییه‌كانمان له‌گه‌ڵ پارتی بكه‌ین


سكرتێری ئه‌نجومه‌نی سه‌ركردایه‌تی یه‌كێتیی نیشتمانیی كوردستان ڕایده‌گه‌یه‌نێت: ئێستا پارتی بۆته‌ دوو باڵ و ئه&zwn...


  %63ی شه‌هیدانی كوردستان له سنووری سلێمانییه‌
  44 ساڵ لەمەوبەر کتێبخانەیەک سلێمانی روناککردەوە
                                           

ده‌رئه‌نجامه‌كانی وازهێنان له‌خوێندن

وه‌ك ده‌گووترێت نرخی زێڕ لای زێڕنگه‌ره‌، نرخی په‌روه‌رده‌و خوێندینش لای دڵسۆزان و خه‌مخۆرانی په‌وه‌رده‌یه‌. خوێندن و ...


  كورت و پوخت لەسەر تۆمەتەكانی پارێزگاری دهۆك
  لە ساڵیادی كۆچی دوایی سەركردە عادل موراد-دا


کاریکاتێر