هەڤاڵ کامەرانی سەید مەجید ماڵئاوایی لێکردین

.

هەڤاڵ کامەرانی سەید مەجید برای دلێری سەید مەجید لە تەمەنی ٦١ ساڵیدا لە لەندەن کۆچیدوایی کرد.

مەکتەبی سیاسی یەکێتی نیشتمانی کوردستان لە راگەیەندراوێکدا رایگەیاند: بەداخ و پەژارەیەکی زۆرەوە، هەڤاڵ کامەران سەید مەجید، تێکۆشەرو پێشمەرگەی دێرین، برای هەڤاڵ کاک دلێری سەید مەجید و جەزای سەید مەجید،  له وڵاتی بریتانیا لە شاری لەندەن، ماڵئاوایی یەکجارەکی کرد.

هەڤاڵ کامەرانی سەید مەجید تێکۆشەر و پیشمەرگەی دێرینی ڕۆژانی سەختی خەباتی یەکێتی و گەلەکەمان بوو، بەشی زۆری تەمەنی لەو پێناوەدا بەخشی.

بەم بۆنە خەمناکەوە، پرسە و سەرەخۆشی ئاراستەی هەموو لایەک دەکەین، بۆ پاراستنی تەندروستی هاوڵاتیان و پابەندبوون بەڕێکارەکانی خۆپارێزی، بنەماڵە بەڕێزەکەیان مەراسیمی پرسە دانانێن و سوپاسی پەرۆشی و هاوخەمی هەموولایەک دەکەن. 

PUKmedia راگەیاندنی مەکتەبی سیاسی ی ن ک