هه‌ولێر.. 13 گه‌ڕه‌ك كه‌ره‌نتین ده‌كرێن

.

به‌هۆی بڵاوبوونه‌وه‌ی ڤایرۆسی كۆرۆنا له‌هه‌ولێر 13 گه‌ڕه‌ك كه‌ره‌نتینه‌ ده‌كرێن.

له‌و باره‌یه‌وه‌ د. دلۆڤان محه‌مه‌د، به‌رِێوه‌به‌ری گشتی ته‌ندروستی هه‌ولێر له‌ كۆنگره‌یه‌كی رۆژنامه‌وانیدا رایگه‌یاند، له‌ئێستادا هه‌ر یه‌ك له‌ نه‌خۆشخانه‌كانی پێشمه‌رگه‌و ئیمارات و رزگاری پێشوازی له‌ نه‌خۆشانی ڤایرۆسی كۆرۆنا ده‌كه‌ن.

وتیشی: به‌هۆی ئه‌و حاڵه‌تانی له‌دوێنێ و ئه‌مڕۆدا له‌ هه‌ولێر تۆمار كران، بڕیاردرا كه‌ 13 شوێن و گه‌ڕه‌ك كه‌ره‌نتینه‌ بكرێن، كه‌ پێكدێن له‌ 9 گه‌ڕه‌ك له‌ناو هه‌ولێر و دوو گه‌ڕه‌ك له‌ قه‌زای سۆران و دوو گه‌ڕه‌كیش له‌ده‌ووروبه‌ری هه‌ولێر.

ئه‌وه‌شی خسته‌ڕوو: تائێستا له‌هه‌ولێر 138 كه‌س تووشی ڤیارۆسی كۆرۆنا بوون و له‌و ژماره‌یه‌ش 20 نه‌خۆش چاكبوونه‌ته‌وه‌، هه‌روه‌ها 118 نه‌خۆش تائێستا له‌نه‌خۆشخانه‌كانی هه‌ولێر له‌ژێرچاودێری پزیشكدان.

ده‌قی كۆنگره‌كه‌ به‌ڤیدیۆ..

PUKmedia تایبه‌ت