كۆیە.. ئەنجامی پشكنینی دوو بەشداربووی پرسەكەی هەولێر نێگەتیڤ دەرچوو

.

ئەنجامی پشكنینی دوو بەشداربووی پرسەكەی هەولێر، كە دانیشتووی كۆیەن نێگەتیڤ دەرچوو.

ئەمڕۆ سێ شەممە 7-4-2020، بەڕیوەبەرایەتی تەندروستی كۆیە رایگەیاند: ئەنجامی پشكنینی ئەو ژن و پیاوەی كەدانبشتووی كۆیەن و بەشداری پرسەكەی گەڕەكی كارێزانی شاری هەولێریان كردبوو نێگەتیڤ دەرچوو و دەركەوت هەڵگری ڤایرۆسەكە نین.

بەهۆی دانانی دووپرسە لە گەڕەكی كارێزانی شاری هەولێر تا ئێستا 70 كەس تووشی ڤایرۆسی كۆرۆنا بوون و دوێنێش رێبەر ئەحمەد وەزیری ناوخۆی حكومەتی هەرێم رایگەیاند، خاوەنی پرسەكان و سەرجەم توشبووەكان كە بەشداری پرسەكانیان كردووە بەهۆی پابەند نەبوونیان بە رێنماییە تەندروستییەكان دەدرێنە دادگا.

PUKmedia ئاری كۆیە