هه‌ولێر.. 5 حاڵه‌تی نوێی كۆرۆنا تۆمار كرا

.

له‌ راگه‌یه‌نراوێكدا وه‌زاره‌تی ته‌ندروستی حكومه‌تی هه‌رێمی كوردستان راگه‌یاند، له‌ به‌رده‌وامی پشكنینه‌كان و گه‌ڕان به‌دوای گومانلێكراوان، پێنج تووشبووی ڤایرۆسی كۆڕۆنای نوێ COVID-19 له‌ شاری ھه‌ولێر ده‌ستنیشانكران، كه‌ پیاوێك و چوار ئافره‌تن. یه‌كێكیان دانیشتووی كانی گه‌لی چوار تووشبووی دیكه‌ دانیشتووی گه‌ره‌كی ٩٤ی باداوه‌ن، ھه‌موویان به‌ركه‌وته‌ی تووشبووه‌كانی ھه‌ردوو پرسه‌ی ماته‌مینی گه‌ره‌كی كارێزانی شاری ھه‌ولێرن.

به‌وه‌ش ژماره‌ی توشبوان له‌هه‌رێمی كوردستان گه‌یشته‌ 285 توشبوو.

PUKmedia راگه‌یاندی وه‌زاره‌تی ته‌ندروستی