كەلار.. بەهۆی بەركەوتنی فیشەكەوە ژنێك گیانی لەدەستدا

.

لەگوندێكی سنوری قەزای كەلار، بەهۆی بەركەوتنی فیشەكەوە ژنێك گیانی لەدەستدا.

مقەدەم عەلی جەمال قەدوری وتەبێژی پۆلیسی گەرمیان رایگەیاندوە:"دوانیوەڕۆی ئەمڕۆ دوو شەمە لەگوندی ساڵح ئاغا سەربەناحییەی قۆرەتووەوە تەرمی ئافرەتێك بەناوی (ن- ب - ا ) لەدایكبووی 1986 هێنرایە بەشی فریاكەوتنی شەهید هەژار لەكەلار كەبەهۆی بەركەوتنی فیشەكەوە گیانی لەدەستدابوو

رونیشكردوەتەوە:"بەوتەی كەسوكاری ناوبراوخاوەنی سێ منداڵەو فیشەكی بەخۆیەوە ناوەو خۆی كوشتوە.

ئاماژەی بەوەشداوە:بەهۆی بونی گومان لەڕوداوەكە پۆلیس پەڕاوی لێكۆڵینەوەی بۆكردۆتەوەو لەئێستادا مێردەكەی دەست بەسەر كراوە و چاوەڕوانی ڕاپۆرتی پزیشكین تاڕون بێتەوە كە ڕوداوەكە خۆكوژی بوە یاخود كوژراوە.

PUKmedia راگەیەنراو