دەزگای مرۆیی مام پرۆژەی پەلەچارە جێبەجێ دەکات

.

دەزگای مرۆیی مام پرۆژەی پەلە چارە جێبەجێدەکات کە لەڕێیەوە هاوڵاتیان دەتوانن بە پەیوەندی تەلەفۆنی چارەسەر وەربگرن و پزیشکانی پسپۆڕ وەڵامیان دەدەنەوە.

کاروان بەختیار پسپۆڕی نەشتەرگەری چاوو ئەندامی دەزگای مرۆیی مام رایگەیاند: لەڕێگای پەیوەندی تەلەفۆنییەوە چارەسەری نەخۆش دەکرێت بۆ دروست نەکردنی قەرەباڵغی لە نەخۆشخانەکان و لەئێستاشدا نەخۆشخانەی حکومی و کلینکی راوێژکاری و ئەهلییەکان وەستێنراون  ونەخۆش ناتوانێت چارەسەر وەرگرێت.

ئەو پزیشکە ئەوەشیخستەروو، لەم خزمەتگوزارییەدا لەسەعات ٩ی بەیانی تا ٤ی ئێوارە هاوڵاتیان دەتوانن پەیوەندی بە سەرجەم پسپۆڕە پزیشکییەکان بکەن و رێنمایی و چارەسەر وەربگرێن.

وتیشی: هەر هاوڵاتییەک پێویستی بە چارەسەر هەبێت و حاڵەتی خێرا بێت ئێمە رێنماییان پێ دەدەین هەتا سەردانمان بکەن و چارەسەر وەربگرن.

ئاماژەی بەوەشکرد، ئەم خزمەتگوزارییە بۆ هەموو خەڵکە و هەرکەس پەیوەندی بکات ئێمە بێ جیاوازی وەڵامی دەدەینەوە.

PUKmedia تایبەت