عیراق.. گۆڕێكی به‌كۆمه‌ڵ ده‌دۆزرێته‌وه‌

.

ئه‌مڕۆ یه‌كشه‌ممه‌ به‌ڕێوه‌به‌رایه‌تی هه‌واڵگری عیراقی دۆزینه‌وه‌ی گۆڕێكی به‌كۆمه‌ڵی سه‌ر به‌ كارمه‌ندانی هێزه‌ ئه‌منییه‌كانیان له‌ ناومۆڵگه‌یه‌كی تیرۆرستانی داعش له‌پارێزگای ئه‌نبار دۆزیوه‌ته‌وه‌.

به‌ڕێوه‌به‌رایه‌تییه‌كه‌ له‌ راگه‌یه‌ندراوێكیدا ده‌ڵێت:  به‌پێی زانیاری ووردی هه‌واڵگری،هێزه‌كانیان هێرشیان كردۆته‌ سه‌ر مۆڵگایه‌كی تیرۆریستانی داعش له‌ناوچه‌یه‌كی سه‌ر به‌قه‌زای هیت له‌ پارێزگای ئه‌نبار و ده‌ستیان گرتووه‌ به‌سه‌ر ژماره‌یه‌ك ته‌قه‌مه‌نی و كه‌لوپه‌لی سه‌ربازیدا.

به‌یاننامه‌كه‌ ئاماژه‌ به‌وه‌ش ده‌كات كه‌ دوای گه‌ڕان و پشكنینی وورد له‌لایه‌ن هێزه‌كانیانه‌وه‌، گۆڕێكی به‌كۆمه‌ڵیان دۆزیوه‌ته‌وه‌ كه‌ ژماره‌یه‌ك كارمه‌ندی ئه‌منی و مه‌ده‌نی تێدایه‌ و پێشتر له‌لایه‌ن تیرۆریستانی داعشه‌وه‌ گولله‌باران كراون.

PUKmedia به‌ڕێوه‌به‌رایه‌تی هه‌واڵگری سه‌ربازیی