وه‌زیری ته‌ندروستی هه‌رێم: ژماره‌ی تووشبووان گه‌یشته‌ 233 كه‌س

.

 وه‌زیری ته‌ندروستی هه‌رێمی كوردستان ڕایگه‌یاند: تا ئێستا 233 كه‌س له‌ هه‌رێمی كوردستان تووشی ڤایرۆسی كۆرۆنا بوون.

كه‌مێك پێش ئێستا د. سامان به‌رزنجی وه‌زیری ته‌ندروستی هه‌رێمی كوردستان ڕایگه‌یاند: تا ئێستا 233 كه‌س له‌ هه‌رێمی كوردستان تووشی كۆرۆنا بوون و 85 كه‌سیش چاكبوونه‌ته‌وه‌ كه‌ 62 كه‌سیان له‌ پارێزگای سلێمانی و 17 كه‌س له‌ هه‌ولێر و 7 كه‌سیش له‌ دهۆك چاكبوونه‌ته‌وه‌.

 وتیشی: سێ كه‌سیش گیانیان له‌ده‌ستداوه‌.

وه‌زیری ته‌ندروستی هه‌رێم ڕاشیگه‌یاند: له‌ئێستادا یه‌ك تووشبوو باری ته‌ندروستی جێگیر نییه‌ و داواشی له‌ هاووڵاتیان كرد كه‌ پابه‌ندی ڕێنماییه‌كان ببه‌ن و باوه‌ڕ به‌ سۆشیال میدیا نه‌كه‌ن و ڕاشیگه‌یاند ئه‌وانه‌ی كه‌ پڕوپاگه‌نده‌ بڵاوبكه‌نه‌وه‌ ده‌درێنه‌ دادگا.

 د. سامان به‌رزنجی نیگه‌رانی خۆی ده‌ربڕی له‌وه‌ی كه‌ حاڵه‌تی شاراوه‌ هه‌بێت و به‌هۆی زۆربوونی تووشبوان نه‌خۆشخانه‌یه‌كی دیكه‌ ده‌كه‌نه‌وه‌ و ئه‌گه‌ر هاووڵاتیان پابه‌ند نه‌بن دۆخه‌كه‌ له‌ كۆنترۆڵ ده‌رده‌چێت.

PUKmedia تایبه‌ت