زورفی بەرنامەی حكومەتەكەی دایە ئەنجومەنی نوێنەران

.

عەدنان زورفی راسپێردراو بۆ پێكهێنانی حكومەتی نوێ بەرنامەی حكومەتەكەی رادەستی ئەنجومەنی نوێنەرانی عیراق كرد.

ئەمڕۆ شەممە 4-4-2020، عەدنان زورفی راسپێردراو بۆ پێكهێنانی حكومەتی نوێی عیراق بەرنامەی حكومەتەكەی دایە ئەنجومەنی نوێنەرانی عیراق و لە نووسراوەكەشدا بە ئەنجومەنی نوێنەرانی راگەیاندووە كە بەرنامەی كابینە وەزارییەكەی و دواتریش بەپێی دەستوور ناوی ئەندامانی كابینەكەیان بۆ دەنێرێت.

رۆژی 17-3-2020، د. بەرهەم ساڵح سەرۆك كۆماری عیراق عەدنان زورفی بۆ پێكهێنانی حكومەت راسپارد و  بەپێی دەستووریش عەدنان زورفی 30 رۆژی لەبەردەستدایە بۆ پێكهێنانی حكومەتەكەی و بەدەستهێنانی متمانەی ئەنجومەنی نوێنەران.

PUKmedia تایبەت