یونان ..یەكەمین حاڵەتی تووشبوون بەكۆرۆنا لەناو پەنابەران تۆماركرا

.

رۆژنامەیەكی ئەڵمانیا یەكەمین حاڵەتی تووشبوون بەكۆرۆنای لەناو كەمپی پەنابەران لە یونان ئاشكراكرد، كە ژنێكی دووگیان بووە.

رۆژنامەی دی وڵتی ئەڵمانیا بڵاویكردوەتەوە:" ژنێكی پەنابەر دوای ئەوەی لەنەخۆشخانەیەكی شاری ئەسینای پایتەختی یونان منداڵی بووە، لەپشكنینەكەیدا دەركەوتووە تووشبووی ڤایرۆسی كۆرۆنایە".

ئاماژە بەوەشدراوە:" دەست بەجێ لەلایەن تیمە تەندروستیەكانەوە تەواوی ئەو كەسانەی كە لەگەڵ ئەو ژنەدابوون كەرەنتینە كراون".

پێشتر شارەزایانی تەندروستی هۆشداریان دابوو لەگەیشتنی ڤایرۆسەكە بۆ ناو پەنابەران.

PUKmedia ئاژانسەكان