هاوپەیمانان سەربازگەیەكی تر رادەستی سوپای عیراق دەكەن

.

لەشاری موسڵ، هێزەكانی هاوپەیمانان كۆشكێكی سەرۆكایەتی كەلەسەرەتای چوونەوە ناو شارەكەوە وەك سەربازگەیەك بەكاریان هێنابوو رادەستی هێزەكانی سوپای عیراقیان كردەوە.

لیوا تەحسین خەفاجی وتەبێژی هێزە هاوبەشەكانی عیراق رایگەیاندوە:" ئەو هێزەی هاوپەیمانان كەلەو سەربازگەیەدابوون، كاری مەشقپێكردن و هەواڵگری و لۆجیستیان بۆ هێزەكانی سوپای عیراق ئەنجام دەدا".

رونیشكردوەتەوە:" ئەو ئەركانە كۆتاییان هات و سەربازگەكەش رادەستی هێزەكانی سوپای عیراق كرایەوە".

خەفاجی ئەوەشی وت:" ئەوە چوارەمین سەربازگەیە كە هاوپەیمانان لەم ماوەیەدا رادەستی هێزەكانی سوپای عیراقی بكەنەوە".

PUKmedia ئاژانسەكان