ئێران .. سه‌دان كه‌س به‌هۆی كحولی ساخته‌ گیان له‌ده‌ستده‌ده‌ن

.

وته‌بێژی وه‌زاره‌تی ته‌ندروستی ئێران ڕایگه‌یاند به‌هۆی خواردنه‌وه‌ی كحولی ساخته‌ 320 كه‌س له‌ ئێران له‌ماوه‌یه‌دا گیانیان له‌ده‌ستداوه‌.

كیانووش جیهانپوور وته‌بێژی وه‌زاره‌تی ته‌ندروستی ئێران ئاشكرایكرد كه‌ له‌ماوه‌یه‌دا به‌هۆی به‌كارهێنانی ماده‌ی كحولی ساخته‌ 320 كه‌س له‌ئێران گیانیان له‌ده‌ستداوه‌ و 3117 كه‌سیش ژه‌هراوی بوون كه‌ 1139 كه‌سیش له‌ نه‌خۆشخانه‌كان له‌ژێر چاودێری پزیشكیدان.

جیهانپوور ڕاشیگه‌یاند 62 كه‌سیش به‌هۆی خواردنه‌وه‌ی ماده‌ی كحولی ساخته‌ چاویان له‌ده‌ستداوه‌ و 284 كه‌سیش زیان به‌ كورچیله‌یان گه‌یشتووه‌.

PUKmedia ئاژانسی ئیسنا