ترامپ دوو ویلایه‌تی دیكه‌ی وه‌ك ناوچه‌ی كاره‌ساتبار راگه‌یاند

.

دۆناڵد ترامپ سه‌رۆكی ئه‌مریكا ئیمزای له‌سه‌ر دوو فه‌رمان كرد، تێیدا هه‌ردوو ویلایه‌تی كۆنیتیكت و ئۆریگۆن وه‌ك دوو ناوچه‌ی كاره‌ساتبار به‌هۆی ڤایرۆسی كۆرۆناوه‌ راگه‌یاند.

دۆناڵد ترامپ رێنمایشی بۆ پێشكه‌شكردنی هاوكاری و یارمه‌تییه‌كان له‌سه‌ر بودجه‌ی فیدڕاڵی ئه‌مریكا بۆ ناوچه‌ زیان به‌ركه‌وتووه‌كانی هه‌ردوو ویلایه‌ته‌كه‌ ده‌ركرد.

به‌پێی ئه‌و دوو فه‌رمانه‌ی ترامپ ئیمزای له‌سه‌ر كردووه‌، به‌ڕێژه‌ی 75% ئه‌و تێچووی خه‌رجكراوه‌ بۆ رێكاره‌كانی باری له‌ناكاو و وه‌ڵامدانه‌وه‌كان،  قه‌ره‌بووی ئه‌و دامه‌زراوه‌ و ناوچانه‌ ده‌كرێته‌وه‌ كه‌ زیانیان پێگه‌یشتووه‌.

پێشتر ترامپ 15 ویلایه‌ت و ناوچه‌ی تری وه‌ك ناوچه‌ی كاره‌ساتبار راگه‌یاندبوو، له‌ناویاندا ویلایه‌ته‌كانی (نیویۆڕك و واشه‌نتۆن و كالیفۆڕنیا و كولواردو) هه‌بوون.

جێی ئاماژه‌یه‌، له‌ ویلایه‌تی كۆنتیكت ژماره‌ی توشبووان به‌ڤایرۆسی كۆرۆنا گه‌یشتۆته‌ 1500 توشبوو، هه‌روه‌ها له‌ویلایه‌تی ئۆریگۆن 480 حاڵه‌ت تۆماركراوه‌.

PUKmedia روسیا الیوم