riklam

رێوره‌سمی ئاڵوگۆڕی پۆستی لێپرسراوێتی مه‌كته‌بی ده‌ره‌وه‌ی یه‌كێتی به‌رێوه‌چوو

ی.ن.ک‌‌ 04:55 PM - 2020-03-29
.

.

ئه‌مڕۆ 29 ی ئاداری 2020، له‌ باره‌گای مه‌كته‌بی ده‌ره‌وه‌ی یه‌كێتی له‌ شاری سلێمانی به‌ ئاماده‌بوونی شاناز ئیبراهیم ئه‌حمه‌د ئه‌ندامی ده‌سته‌ی كارگێری مه‌كته‌بی سیاسی (ی.ن.ك)و سه‌عدی ئه‌حمه‌د پیره‌ ئه‌ندامی مه‌كته‌بی سیاسی و ژماره‌یه‌ك له‌كادیران ئاماده‌ی بوون، ئاڵوگۆڕی پۆسته‌كه‌ كراو سه‌عدی ئه‌حمه‌د پیره‌ وه‌ك لێپرسراوی مه‌كته‌بی ده‌ره‌وه‌ ده‌ست به‌كاربوو.

له‌و رێوره‌سمه‌دا شاناز ئیبراهیم ئه‌حمه‌د سوپاسی هه‌ڤاڵانی مه‌كته‌بی ده‌ره‌وه‌ی كرد كه‌له‌ماوه‌ی رابردوودا هاوكاریی ته‌واویان كردووه‌ بۆ سه‌رخستنی كاره‌كانی، هاوكات پیرۆزبایی وه‌رگرتنی ئه‌و پۆسته‌ی له‌لێپرسراوی نوێ كرد و هیوای سه‌ركه‌وتنی بۆ خواست و داواشی كرد به‌گیانێكی یه‌كێتییانه‌وه‌ كاربكات بۆ په‌ره‌پێدانی زیاتری مه‌كته‌بی ده‌ره‌وه‌ و به‌رێوه‌بردنی كاروباره‌كان و خزمه‌تكردن به‌رێكخستن و كادرانی یه‌كێتی له‌ده‌ره‌وه‌.

شاناز ئیبراهیم ئه‌حمه‌د راشیگه‌یاند: هه‌مووان ده‌بێ درێژه‌پێده‌ری سیاسه‌تی چه‌پكه‌گوڵه‌كه‌ی مام جه‌لال بین و كاربكه‌ین بۆ نوێبوونه‌وه‌ی زیاتری یه‌كێتی و خزمه‌تكردن به‌كه‌سوكاری سه‌ربه‌رزی شه‌هیدان و ئه‌نفالكراوان و كۆمه‌ڵانی خه‌ڵكی كوردستان ، وتیشی وه‌ك چۆن له‌رابردوودا كارمان كرد بۆ ئه‌وه‌ی مه‌كته‌بی ده‌ره‌وه‌ بكه‌ینه‌ چه‌تری كۆكه‌ره‌وه‌ی كادیر و ئه‌ندامان و جه‌ماوه‌ری یه‌كێتی له‌تاراوگه‌، بۆ قۆناغی ئاینده‌ش پێویسته‌ ئۆرگانه‌كانی یه‌كێتی له‌ده‌ره‌وه‌ی وڵات رۆڵیان هه‌بێ و هه‌ماهه‌نگی و كاری پێكه‌وه‌یی بكه‌ن و وه‌ك یه‌ك تیم كاربكه‌ن له‌پێناوی گه‌شه‌كردنی زیاتری یه‌كێتی له‌رێی دانانی به‌رنامه‌ی چڕو پڕو نه‌خشه‌رێگایه‌كی پێویسته‌وه‌.

جێی باسه‌ ئاڵوگۆڕی پۆستی لێپرسراوی مه‌كته‌بی ناوه‌ندی ده‌ره‌وه‌ی یه‌كێتی له‌چوارچێوه‌ی ئه‌و گۆڕانكارییانه‌دا دێت كه‌له‌هه‌یكه‌ل و فۆڕمی یه‌كێتیدا ده‌كرێت له‌دوای كۆنگره‌ی چواره‌می یه‌كێتی و له‌سه‌ر بڕیاری ئه‌نجومه‌نی سه‌ركردایه‌تی و پاڵپشت به‌په‌یڕه‌وی ناوخۆ له‌پێناو كاركردن بۆ به‌دیهێنانی داواكارییه‌كانی ئه‌م قۆناغه‌ی خه‌بات.

PUKmedia

434545424242 [1600x1200].jpg

4545477575 [1600x1200].jpg

2424542424 [1600x1200].jpg

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket