حكومه‌ت داوای به‌دواداچونی یه‌ك ملیار دۆلاره‌كه‌ی لوبنان ده‌كات

.

سه‌رۆكی حكومه‌تی هه‌رێم له‌باره‌ی وه‌رگرتنی 250 ملیۆن دۆلار وه‌ك شیرینی نه‌وت له‌ كۆمپانیای رۆسنه‌فت و هه‌روه‌ها ده‌نگۆی ده‌ستبه‌سه‌رداگرتنی ملیارێك دۆلاری هه‌رێم له‌ وڵاتی لوبنان ده‌ڵێت، پێویسته‌ داواكاری گشتی به‌دواداچوون بۆ ئه‌م ده‌نگۆیانه‌ بكات.

جوتیار عادل وته‌بێژی حكومه‌تی هه‌رێمی كوردستان رایگه‌یاند، سه‌باره‌ت به‌ ده‌نگۆی وه‌رگرتنی 250 ملیۆن دۆلار وه‌ك شیرینی نه‌وت له‌ كۆمپانیای رۆسنه‌فت و هه‌روه‌ها ده‌نگۆی ده‌ستبه‌سه‌رداگرتنی ملیارێك دۆلاری هه‌رێم له‌ وڵاتی لوبنان، سه‌رۆكی حكومه‌تی هه‌رێمی كوردستان ریگه‌یاندوه‌، پێویسته‌ سه‌رۆكایه‌تی داواكاری گشتی لێكۆڵینه‌وه‌ و به‌دواداچوون بۆ ئه‌م ده‌نگۆیانه‌ بكات و داواش له‌ هه‌موو لایه‌نه‌كان ده‌كات  له‌مباره‌یه‌وه‌ هاوكاریی داواكاریی گشتی بكه‌ن بۆ ئه‌وه‌ی راستییه‌كان بۆ خه‌ڵك ئاشكرا بكرێت.

PUKmedia  تایبه‌ت