لاهور شێخ جەنگی: كەموكورتییەكانی نەخۆشخانەی شەهید ئاسۆ چارەسەر دەكەین

.

لاهور شێخ جەنگی نەخۆشخانەی شەهید ئاسۆی تایبەت بە كۆرۆنای لەسلێمانی بەسەركردەوە و دەستخۆشی لەبەڕێوەبەر وپزیشك وتەواوی كارمەندانی تەندروستی سلێمانی كرد وجارێكی تر تەواوی پشتیوانی سەرۆكایەتی یەكێتی بۆ دووپاتكردنەوە.

دكتۆر سەباح هەورامی بەڕێوەبەری گشتی تەندروستی سلێمانی رایگەیاند: لاهور شێخ جەنگی هاوسەرۆكی یەكێتیی نیشتمانیی كوردستان چارەسەری كەموكورتییەكانی نەخۆشخانەی شەهید ئاسۆی لە ئەستۆ گرت و لە 24 سەعاتی داهاتوودا نەخۆشخانەكە بەڕووی توشبووانی ڤایرۆسی كۆرۆنادا دەكرێتەوە.

هاوكات لاهور شێخ جەنگی هاوسەرۆكی یەكێتیی نیشتمانیی كوردستان رایگەیاند: هەمیشە شانازی بە هێزەكانی ئاسایشی ناوخۆ و كارمەندانی تەندروستی دەكەم و هەمیشە هاوكاری كەرتی تەندروستی دەبین.

وتیشی: هەڵمەتێكی كۆمەككردن بۆ هەژران دەستپێدەكەین و داوا لە هاووڵاتیانیش دەكەم پابەندی رێنماییە تەندروستییەكانبن.

لاهور شێخ جەنگی وتیشی: داوا لە حكومەتی هەرێم دەكەین مووچەی فەرمانبەران دابەشبكات بۆ ئەوەی هاووڵاتیان بە ئاسودەیی لە ماڵەكانیاندا بمێننەوە.

PUKmedia تایبەت

هاوسەرۆكی یەكێتی پشتیوانی بۆ تەندروستی سلێمانی دووپاتكردەوە