لەمەندەلی چوار كەس بریندار دەبن

.

بەهۆی كێشەی نێوان دوو خێزانەوە چوار كەس لەسنوری ناحیەی مەندەلی لەدیالە بریندار بوون.

ئەحمەد عەباس چالاكوانی مەدەنی  لەسنوری پارێزگای دیالە بە PUKmedia راگەیاند: ئێوارەی ئەمڕۆ لە سنوری ناحیەی مەندەلی دوای ئەوەی ژمارەیەك گامێش چوونەتە ناو كێڵگەیەكی كشتوكاڵیەوە شەڕ لەنێوان دوو خێزان دروست بووە.

وتیشی: بەو هۆیەوە دەستدرێژی گوللــە كراوەو چوار كەس برینداربوون.

ئاماژەی بەوەشدا: هێزە ئەمنیەكان گەیشتوونەتە شوێنی رووداوەكەو ژمارەیەك هاووڵاتیان دەستگیركردوە.

PUKmedia سامان یاروەیس