كۆرۆنا چه‌ندین ملیار دینار زیان به‌ كێڵگه‌ په‌له‌وه‌رییه‌كان ده‌گه‌یه‌نێت

.

به‌هۆی ڤایرۆسی كۆرۆنا و داخستنی به‌شێكی زۆری دوكانه‌كان، نزیكه‌ی 5 ملیار دینار زیان به‌ كێڵگه‌ په‌له‌وه‌رییه‌كانی هه‌رێم گه‌یشتووه‌.

به‌پێی راگه‌یه‌نراوێكی كۆمه‌ڵه‌ی كێڵگه‌ په‌له‌وه‌رییه‌كان كه‌ كۆپییه‌كی ده‌ست PUKmedia كه‌وتووه‌،  تێیدا هاتووه‌، له‌م مانگه‌دا زیانێكی دارایی زۆر به‌خاوه‌ن پڕۆژه‌كان گه‌یشتووه‌، كه‌ نزیكه‌ی 5 ملیار دیناره‌، هۆكاری زیانه‌كانیش بۆ ئه‌وه‌ ده‌گه‌ڕێته‌وه‌، زیاتر له‌ 2 ملیۆن و 500 هه‌زار مریشك له‌ناو هۆڵه‌كاندا هه‌یه‌ و هیچ بازاڕێك نییه‌ بۆ ساغكردنه‌وه‌یان، چونكه‌ هه‌موو دوكانه‌كانی فرۆشتنی مریشك داخراون و هیچ سه‌ربڕخانه‌یه‌كی گه‌وره‌ش نییه‌ ڕۆژانه‌ فریای سه‌ربڕینی مریشكی زۆر بكه‌وێت، له‌به‌رئه‌وه‌ مریشكه‌كان ده‌مێننه‌وه‌ و پێویسته‌ عه‌له‌ف و خۆراكی زیاتریان بدرێتێ‌، ئه‌وه‌ش خه‌رجی زیاتری ده‌وێت، چونكه‌ نرخی هه‌ر ته‌نێك عه‌له‌ف 100 دۆلاره‌.

كۆمه‌ڵه‌ی كێڵگه‌ په‌له‌وه‌رییه‌كان داوا له‌ پارێزگار و قایمقامیه‌ته‌كانیش ده‌كات، به‌پێی رێنماییه‌ ته‌ندروستییه‌كان كار بۆ كردنه‌وه‌ی دوكانه‌كانی مریشك فرۆشتن بكه‌ن.

PUKmedia