خانگوڵی مەسەرزادە،سۆزێك لە بێكەسیدا سەری نایەوە

خانگوڵی مەسەرزادە،سۆزێك لە بێكەسیدا سەری نایەوە


26/3/2020 13:03:00
چاپ کردن
بە وێنەوە    بە بێ وێنە
           
.

ژیانی پەرش و بڵاوی گەلی كورد، كە بەشی زۆری بەهۆی داگیركاری و دابەشكاری نەیارەكانیەوە روویداوە، كاریگەری گەورەشی لەسەر هونەرو میوزیكشدا هەبووە.

كاتێك بەهۆی داگیركاری عوسمانیەكانەوە بەشێكی زۆری كوردەكان، گوازرانەوە بۆ ناوچەی خوراسان لەوپەڕی ئێران، سەرەڕای هەرچی زوڵم و ستەمێك بەسەریاندا هات، كەچی هونەرەكەیان بەزیندویەتی هێشتووەتەوەو، رۆژ بەرۆژ  دەنگە ناوازەكانیان دەردەكەوێـت، ئەوەتە سۆزبێژو دەنگخۆشی خانگوڵ مەسەرزادە ، هەرچەند كۆچی دوایكردوە، بەڵام سۆزەكانی هێشتا دڵ دەخرۆشێنن و هونەرە رەسەنەكەی كرمانجیمان بەگوێدا دەدەنەوە.

خانگوڵ مەسەرزادە، دانیشتووی خوراسانە، ژیانی منداڵی زۆر بەسەختی تێپەڕاندوە، وەك خۆی پێش گیانلەدەستدانی، ووتویەتی:" نازانێت كەی و لەكوێ لەدایك بووە، تەنها ئەوە نەبێت  كە كاتێك رووسەكان پەلاماری ئێرانیان داوە  دەڵێن گوایە ئەو كاتە لەدایك بووم". بەڵام لەئێڵی كرمانجەو كەسوكارەكەی لە خوراسان گیرساونەتەوە، بەبێ دایك و باوك گەورە بووە، لەبەشێكی تری گێرانەوەكانی ژیانی خۆیدا ووتوویەتی:" لە رۆژانی جەژنی نەورۆزدا، مامە نەورۆز دەهاتە ناوچەكەمان لەگەڵ هاوڕێكانمان بەتایبەت خاتوو مەدینە لای لایەو سۆزمان دەوت، ئەویش بڕێك پارەی لەبەرامبەردا پێدەداین"

4413062.jpg

خانگوڵ، وتووشیەتی:" گەنجیەتی من بەكاركردن لەناو باخەكانی گوێز تێپەڕی دەكرد، لەبەرامبەر كەمێك پارەدا".

دوو جار هاوسەرگیری كردوەو هەردوو جارەكەی بەجیابوونەوە كۆتایی هاتووە، ئەوە كاریگەری زۆری لەسەر هەبووەو زیاتر خەمبارو سۆزی خستووەتە ناو دەنگیەوە.

هەرچەند هیچ ئەلبومێكی تایبەت بەخۆی نیە، بەڵام لەئەلبومێكدا بەناوی ئاوازی ژنانی كرمانج، كۆمەڵێك سۆزو لای لایەی بۆتۆماركراوە.

خانگوڵ لەسەر ژیانی خۆی و تەنیاییەكەی وتوویەتی:" كاتێك تەنیام و خەمبارم، تەنها بەوتی گۆرانی و سۆزو لای لایە دڵی خۆم دەدەمەوەو بەردەوامی بەژیانی دەدەم". 

كەیهانی كەڵهور گەورە میوزیك ژەنی كوردو جیهان لەسەر مەرگی خانگوڵی مەسەرزادە، دەڵێت:" خانگوڵی مەسەرزادە، خەڵكی ئێڵی كرمانجە كە سەدان ساڵ راگوێزراون بۆ باكوری خوراسان، بە دایكی لای لایەیی كرمانج دادەنرێت، بەداخەوە پێش ئەوەی بمرێت، تووشی زەهایمەر" لەبیرچوونە" هات، لەبێدەنگی و بەتەنیایی گیانی سپارد". 

كەڵهور ئەوەش باس دەكات:" خانگوڵی مەسەرزادە، ساڵی پار 2019، كۆچی دوایكرد، بەڵام دەنگی ئەوو سۆزی ئەو هەمیشە لەناو گوێیەكانماندا دەمێنێتەوە".


PUKmedia ئامادەكردنی "ٍسامان یاروەیس"


وێنە هەواڵ
  • image04
  • نیشتمان تەرمی مەریەمی قازی لە ئامێز گرت

  • image04
  • 29 ساڵ به‌سه‌ر كۆڕه‌و تێده‌په‌ڕێت

  • image04
  • تره‌مپ ئامێرێكی نوێی پشكنینی كۆرۆنای راگه‌یاند

  • image04
  • دەزگای تەندروستی پێشمەرگە پرۆژەی لە یادمانن رادەگەیەنێت

  • image04
  • كه‌ره‌نتین شارۆچكه‌ی خه‌لیفانیشی گرته‌وه‌

  • image04
  • پۆلیسی هندستان به‌مشێوه‌یه‌ رێگری له‌هاتنه‌ ده‌ره‌وه‌ی هاووڵاتیان ده‌كه‌ن

  • image04
  • 27ی ئازار رۆژی جیهانی شانۆ‌

  • image04
  • لاهور شێخ جەنگی چارەسەری كەموكورتییەكانی نەخۆشخانەی شەهید ئاسۆ لە ئەستۆ دەگرێت


                                           

ترۆدۆ پیرۆزبایی نه‌ورۆز له‌ ڕه‌وه‌ندی كوردی ده‌كات


جه‌ستن ترودۆ سه‌رۆك وه‌زیرانی كه‌نه‌دا ، رۆژی 19-3-2020، به‌بۆنه‌ی جه‌ژنی نه‌ورۆزه‌وه‌، پیرۆزبایی له&zw...


  كه‌نه‌دا.. له‌رۆژی جیهانی ژناندا خۆپیشاندان به‌ڕێوه‌چوو
  دانیمارك..یادی ڕۆژی شەهید کرایەوە
                                           

%63ی شه‌هیدانی كوردستان له سنووری سلێمانییه‌


مافناس، ئه‌دیب له‌تیف محه‌مه‌د، به‌ڕێوه‌به‌ری گشتیی كاروباری شه‌هیدان و ئه‌نفالكراوانی سلێمانی له‌دیدارێكیدا له‌گه‌ڵ كوردستانی ...


  44 ساڵ لەمەوبەر کتێبخانەیەک سلێمانی روناککردەوە
  لاهور شێخ جه‌نگی: بۆ كۆنگره‌ له‌گه‌ڵ لێكتێگه‌یشتندام
                                           

با CPJ وردتر كار بكات

د. دیندار زێباری رێكخه‌ری راسپارده‌ نێوده‌وڵه‌تییه‌كان له‌ حكومه‌تی هه‌رێمی كوردستان له‌ڕاگه‌یه‌ندراوێك...


  حه‌فتاو سێ ساڵه‌ كورد بێ قازییه‌
  ته‌ندروستی سلێمانی داوای درێژكردنه‌وه‌ی قه‌ده‌غه‌ی هاتوچۆ ده‌كات


کاریکاتێر