گەرمیان .. هۆشداری دەدرێتە بارهەڵگرەكان

.

ئیدارەی گەرمیان شۆفێری ئەو بارهەڵگرانەی كرێی گواستنەوەی بارەكانیان بەزیادەوە وەردەگرن لەسنوری مەرزی پەروێزخان دەردەكرین.

بەیانی ئەمڕۆ(26ی ئازار) ژوری ئۆپەراسیۆنی ئیدارەی گەرمیان بەسەر پەرشتی سەرپەرشتیاری ئیدارەی گەرمیان و ئامادەبوونی ژمارەیەك لەئەندامانی كۆبوەوە.

لەكۆبونەوەكەدا بڕیاردرا بەڕیكخستنەوەی كاروباری تایبەت بەشۆفێرانی دەروازەی نیودەوڵەتی پەروێزخان ، بەتایبەت ئەو كەسانەی كرێی گواستنەوەی بارەكان لە پەروێزخانەوە بۆ ناوچەكانی گەرمیان گران دەكەن.

لەو پێناوەشدا بۆئەوەی گرانكردنی كرێی ئەو بارانە ڕەنگدانەوەی نەبێت لەسەر گرانبوونی نرخ لەبازارەكاندا.

بڕیاردرا ئەوكەسانەی كە پێشێلكاری دەكەن هێڵەكانیان لێوەربگیریتەوەو ریوشوێنی یاساییان لەبەرامبەردا بگیرێتەبەر.

PUKmedia  فۆتۆ:كاوە جاسم