بڕیارێكی نوێی وەزارەتی ناوخۆ بۆ هێزە ئەمنییەكان

.

وەزارەتی ناوخۆی هەرێم لەبارەی ئەو هێزانەی ئێستا لەئەركدان بڕیارێكی نوێی دەركردو رایگەیاند: ئەو هێزانەی ئێستا لە ئەركدان لەگەڵ ئەو هێزانەی لە پشوودان هیچ ئاڵوگۆڕی بە هێزەكانیان ناكرێت و  دوای تێپەڕبوونی ئەم بارودۆخە بەمۆڵەت بۆیان قەرەبوو دەكرێتەوە.

وەزارەتی ناوخۆی حكومەتی هەرێمی كوردستان لە راگەیەنراوی ژمارە (22)ی ئەمڕۆیدا، رایگەیاند: لەسەر فەرمانی سەرۆكی حكومەتی هەرێمی كوردستان و دوای راوێژكردن لەگەڵ وەزیری پێشمەرگە و بەرپرسانی دەزگای ئاسایش و یەكەكانی حەفتا و هەشتا و هێزەكانی زێرەڤانی و بەرگری و فریاكەوتن بڕیاریانداوە.

دەقی بڕیارەكان:

یەكەم: ئەو هێزانەی ئێستا لە ئەركدان لەگەڵ ئەو هێزانەی لە پشوودان هیچ ئاڵوگۆڕی بە هێزەكانیان ناكرێت، كە پێكهاتوون لە هێزەكانی ئاسایشی ناوخۆ، بەرگری و فریاكەوتن، هێزەكانی زێرەڤانی، ئاسایش، پێشمەرگە و یەكەكانی حەفتا و هەشتا، لە ئەركدا دەمێننەوە تا بە فەرمی لە لایەن وەزارەتی ناوخۆ ئاگادار دەكرێنەوە.

دووەم: دوای تێپەڕبوونی ئەم بارودۆخە ئەو ماوەیەی كە هێزەكانی ئاماژەپێكراوی سەرەوە لە ئەركدا بوون بە مۆڵەت بۆیان قەرەبوو دەكرێتەوە.

سێیەم: ئەم بەیانە لە رۆژی دەرچوونییەوە جێبەجێ دەكرێت.