قوم.. 170 پزیشك و په‌رستار تووشی كۆرۆنا بوون

.

زانكۆی پزیشكی پارێزگای قوم ڕایگه‌یاند 40 پزیشك و 130 په‌رستار تووشی ڤایرۆسی كۆرۆنا بوون.

له‌ڕاگه‌یه‌ندراوێكدا زانكۆی پزیشكی قوم ڕایگه‌یاند: دكتۆر حسێن جه‌وهه‌ری پسپۆڕی نه‌خۆشییه‌كانی گوێ و قوڕگ و لوت كه‌ چه‌ند ڕۆژێك له‌مه‌وپێش تووشی ڤایرۆسی كۆرۆنا ببوو گیانی له‌ده‌ستدا.

له‌ڕاگه‌یه‌ندراوه‌كه‌دا هاتووه‌ كه‌ تا ئێستا 40 پزیشك و 130 په‌رستار له‌و پارێزگایه‌ تووشی ڤایرۆسی كۆرۆنا بوون.

هاوكاتیش دوو كارمه‌ندی نه‌خۆشخانه‌كانی كامكار و به‌هه‌شتی قوم كه‌ یه‌كێكیان له‌ ڕه‌گه‌زی نێر و ئه‌وتریشیان له‌ ڕه‌گه‌زی مێیه‌ به‌هۆی ڤایرۆسی كۆرۆنا گیانیان له‌ده‌ستداوه‌.

PUKmedia ئاژانسی ئیرنا