گەرمیان .. پشكنین بۆ كارمەندی شوێنكارەكان دەكرێت

.

بەپێی بڕیارێكی تەندروستی گەرمیان، پشكنین بۆ سەرجەم كرێكارو كارمەندی شوێنكارو فرۆشگاو بەنزینخانەو مۆڵەكان دەكرێت.

راگەیاندنی تەندروستی گەرمیان لەوبارەیەوە رایگەیاندوە:"لە بەردەوامی ھەوڵەكانی تەندروستی گەرمیان بۆ پێشگیریی لە كۆرۆنا، ئەمشەو تیمەكان نمونەی پشكنینی تاقیگەییان لە سەروی ٦٠ كەس وەرگرت.

ئاماژە بەوەشكراوە:" ئەوانەی نمونەیان لێوەرگیرا، ٣٠ كارمەند و كرێكاری مۆڵ و ماركێت و بازاڕەكانی: (دیوان، شار، دریم لاند، گلارا و سۆران)، لەگەڵ سەرجەم ئەو كارمەندانەی كۆمپانیای گازپرۆم كە كەرەنتینە كرابون و ژمارەیان ٣٤ كەس بو.

رونیشكراوەتەوە:" پلانی تەندروستی گەرمیان وەھایە كە پشكنین بۆ كارمەند و كرێكارانی سەرجەم شوێنكار و فرۆشگا و ناوەند و بانزینخانە و شوێنە گشتییەكان ئەنجام بدات، بەمەبەستی دڵنیابونەوە لە سەلامەتی ھاوڵاتیان.

PUKmedia راگەیاندنی تەندروستی گەرمیان