بورهان سه‌عید سۆفی: نه‌ورۆزی كوردان پیرۆز ده‌كه‌م

.

بورهان سه‌عید سۆفی ئه‌ندامی مه‌كته‌بی سیاسی یه‌كێتیی نیشتیمانیی كوردستان له‌په‌یامێكدا پیرۆزبایی سه‌ری ساڵی نوێی كوردی له‌ته‌واوی كۆمه‌ڵانی خه‌ڵكی كوردستان و پێشمه‌رگه‌ قاره‌مانه‌كان ده‌كات.

ده‌قی پیرۆزباییه‌كه‌..
سه‌ری ساڵی نوێ كوردی و نه‌ورۆزی كوردان پیرۆزده‌كه‌م له‌ ته‌واوی كۆمه‌ڵانی خه‌ڵكی كوردستان و پێشمه‌رگه‌ قاره‌مانه‌كان و كه‌س و كاری به‌ئه‌مه‌ك و سه‌ربه‌رزی شه‌هیدان.
هیوادارم ساڵی نوێ، ساڵی خۆشگوزه‌رانی و ته‌بایی و زاڵبوون بێت به‌سه‌ر كێشه‌و گرفته‌كان.
به‌هاری كوردان هه‌میشه‌ نوێ بوونه‌وه‌و سه‌ركه‌وتن بووه‌، به‌دڕێژای مێژووی گه‌له‌كه‌مان به‌نموونه‌ به‌هاری 1991ڕاپه‌ینی گه‌لی كورد و سه‌ركه‌وتنی.
ئومێده‌وارم نه‌وڕۆزی ئه‌مسالیشمان له‌گه‌ڵ خۆی شادی و كامه‌رانی و ساغی و سه‌لامه‌تی بێنێت بۆ ته‌واوی كوردستانیان و هیوا خوازم هه‌موو لایه‌كتان ته‌ندروست ساغ بن.
هاوكات پیرۆزبای و ده‌ست خۆشی تایبه‌تم بۆ ته‌واوی پزیشكان و تیمه‌كانی ته‌ندروستی و پێشمه‌رگه‌و ئاسایش و پۆلیس كه‌ له‌وه‌ها ڕۆژگارێك كه‌ ئه‌و ڤایرۆسه‌ بڵاو بۆته‌وه‌ به‌رده‌وام له‌ئه‌رك دان، بۆ پاراستنی كوردستان دووباره‌ سوپاس بۆ ماندوبونتان.
له‌كۆتایی دا دووباره‌ نه‌ورۆزتان پیرۆز بێت و خودا هه‌موولایه‌ك پارێزراو بكات.

بورهان سه‌عید سۆفی
ئه‌ندامی مه‌كته‌بی سیاسی یه‌كێتی نیشتیمانی كوردستان

PUKmedia