مەڵبەندی خانەقین: نەورۆز دەكەیەنە جەژنی خۆپارێزی تەندروستی

.

مەڵبەندی خانەقینی یەكێـتیی نیشتمانی كوردستان  پەیامێك بەبۆنەی هاتنەوەی جەژنی نەورۆز  بڵاو دەكاتەوەو، خۆپارێزی و ورە بەرزی لەم دۆخەدا بۆ تێپەڕاندنی قەیرانی ڤایرۆسی كۆرۆنا بەئەركێكی نیشتمانی دەزانێت.

دەقی پەیامەكە:

پیرۆزبایی مەڵبەندی ٨ی ڕێكخستنی خانەقینی (ی.ن.ك)، بەبۆنەی جەژنەكانی ڕاپەڕین و بەهار و نەورۆز و ساڵی نوێی 2720ی كوردی-یەوە. 

 بەبۆنەی جەژنەكانی ڕاپەڕین و بەهار و نەورۆزو سەری ساڵی نوێی 2720ی كوردی-یەوە پیرۆزبایی گەرمی خۆمان ئاڕاستەی خانەوادەی سەربەرزی شەهیدان و پێشمەرگە قارەمانەكان و كۆمەڵانی خەڵكی كوردستان و جەماوەری خۆشەویستی شاری خانەقین و دەوروبەری دەكەین، هیوای ئاشتی و ئارامی و خۆشی و شادی و تەندروستی باش بۆ هەموو لایەك دەخوازین، بەڵام هەروەكو دەزانین ئێستا كۆمەڵگای مرۆڤایەتی تووشی هەڕەشەی پەتای كۆرۆنا بوەتەوە، دیارە بۆ تێپەڕاندنی ئەم رەوشە پێویستە وەك ئەركێكی نیشتمانی و نەتەوەیی بەوورەو ئیرادەیەكی هاوبەش و خۆپارێزییەوە، پابەندبوون بەرێنماییە تەندروستی و رێوشوێنەكانی حكومەتی هەرێم پەیڕەوبكەین، داواكارین لەخوای گەورە كەئەم دەردو بەڵاو پەتای كۆرۆنا دوور بێت لەگەلەكەمان و بەسەلامەتی تێبپەڕێت و هەموو تاكێكی كۆمەڵگای كوردستان و تەواوی ناوچە دابڕاوەكان بەشاری خانەقینی خۆشەویستەوە هەموان لەم ڕەوشە ساغ و سەلامەت بن و ڕزگاریان بێت، لەگەڵ ئەوەشدا داواكارین لەهەموو جەماوەری ناوچەی گەرمەسێرو شاری خانەقین، تكایە پەیڕەوی ڕێنماییە تەندروستییەكان بكەن و وورەتان بەرز بێت و هەموومان چاوەڕوانی ئایندەیەكی گەشتر بكەین، دڵنیابن ئەم ڕەوشە بەسەلامەتی تێ پەڕدەبێت و هیوای تەندروستی باش بۆ گەلەكەمان دەخوازین، دووبارە جەژنەكانی ڕاپەڕین و بەهارو نەورۆزو ساڵی نوێی كوردی لەهەموو لایەك پیرۆز بێت.  لەگەڵ ڕێزماندا 

مەڵبەندی ٨ی ڕێكخستنی خانەقینی( ی.ن.ک)

PUKmedia تایبەت