په‌یامی هاوخه‌می به‌رپرسی مه‌ڵبه‌ندی یه‌كێتی بۆ خه‌ڵكی بادینان

.

په‌یامه‌كا هه‌ڤخه‌می و هه‌ڤكاریێ‌ ژ به‌رپرسێ‌ مه‌ڵبه‌ندێ‌ چوارێ‌ (ی.ن.ك) بۆ خه‌لكێ‌ بادینان

 بمخابنیڤه‌ و سه‌ربارێ مه‌ترسییا فایروسێ كۆڕۆنا ل سه‌ر خه‌لكێ مه‌ لسه‌رانسه‌رێ هه‌رێما كوردستانێ، دڤان رۆژێت بوریدا و بتایبه‌تی لشه‌ڤا ده‌ربازبووی ل سنورێ پارێزگه‌ها دهوكێ چه‌ندین ده‌ڤه‌ر تۆشی له‌هیێن مه‌زن بووینه‌ ژ ئه‌گه‌رێ باران بارینه‌كا زۆر و زیانن گیانی و مادی لدووف خو ئیناینه‌ و چه‌ندین خانی ژێر ئاڤبوون و هژماره‌كا زۆر یا ترومبێلێن وه‌ڵاتیان كه‌تینه‌ به‌ر له‌هیا و زیانێن زۆر به‌ر خه‌لكێ كه‌تینه‌، هه‌ر وه‌سا ب مخابنیڤه‌ دوو گه‌نجا گیانی خو ژ ده‌ستداینه‌ ئێك ژوان درووبارێ‌ خابیرێ زاخودا خه‌ندقییه‌ و یێ‌ دی ب ئه‌گه‌رێ لێدانا بروسیێ گیانێ خو ژ ده‌ستدایه‌، ئه‌م وه‌ك مه‌ڵبه‌ندێ 4یێ رێكخستنا دهوكێ سه‌ره‌خوشیێ ل ماڵبات و كه‌س و كارێن وان دوو كه‌نجان دكین، جهێ وان به‌حشتا به‌رین بت، هه‌ر وه‌سا ئه‌م وه‌ك سه‌ركردایه‌تیا ئیكه‌تیێ ل پارێزگه‌ها دهوكێ ئامادینه‌ بۆ هه‌ر هاوكاری و پشته‌ڤانیه‌كێ بۆ حكومه‌تا خوجهیا پارێزگه‌ها دهوكێ و خه‌لكێ لێقه‌ومای، هیڤیدارین حكومه‌تا هه‌رێما كوردستانێ زیترین وه‌خت دهوارا خه‌لكێ لێقه‌وامای بچت و قه‌ره‌بوویا زیانێن وه‌لاتیان بكه‌ت ئه‌وێن توشی زه‌ره‌ و زیانان بووین.

ئاراس محه‌مه‌د ئاغا
به‌رپرسێ مه‌ڵبه‌ندێ4دهۆك

PUKmedia