هاوسەرۆکانی یەکێتی تێچوی نەخۆشخانەیەک لەئەستۆدەگرن

.

مەڵبەندی كەركوكی یەکێتی بینایەك بۆ نەخۆشخانەی توشبووانی كۆرۆنا تەرخاندەكات و هاوسەرۆكانی یەكێتی تێچووی نەخۆشخانەکە لەئەستۆ دەگرن.

مەڵبەندی كەركوكی یەكێتی نیشتمانی کوردستان بینایەك پێشكەشی تەندروستی كەركوك دەكات بۆ دروستكردنی نەخۆشخانەیەكی تایبەت بە تووشبووانی كۆرۆنا و هاوسەرۆكانی یەكێتیش تێچووی نەخۆشخانەكە لە ئەستۆدەگرن.

لەو بارەیەوە محەمەد عوسمان، بەرپرسی مەڵبەندی كەركوكی یەكێتی رایگەیاند، مەڵبەندی كەركوك بینایەكی پێشكەشی بەڕێوەبەرایەتی تەندروستی كەركوك كردووە بۆ پێشوازیكردن لە توشبووانی ڤایرۆسی كۆرۆنا و دروستكردنی نەخۆشخانەیەكی تایبەت لە پارێزگاكە.

وتیشی، هاوسەرۆكانی یەكێتی تێچووی بنیادنانی نەخۆشخانەكە و دابینكردنی كەلوپەلەكانی لە ئەستۆدەگرن وابڕیاریشە نەخۆشخانەكە لە ماوەی نزیكەی هەفتەیەك ئامادەبكرێت و توانای لە خۆگرتنی 150 بۆ 200 نەخۆشی دەبێت.

PUKmedia کوردستان نیوز

لینکی یاریدەدەر بۆ بینینی لێدوانی بەرپرسی مەڵبەندی کەرکوک