ئۆلگا كۆرینلكۆ تووشی كۆرۆنا دەبێت

.

ژنەهونەرمەندی شۆخی ئۆكرانیایی، ئۆلگا كۆرینلكۆ تووشی ڤایرۆسی كۆرۆنا دەبێت، ئامۆژگاری هاووڵاتیان دەكات، كە ڤایرۆسەكە مەترسیدارە.

دەیلی مێڵ بڵاویكردوەتەوە:" ئۆلگا كۆرینلكۆ ئەكتەر فیلمی بەناوبانگی " زەڕەیەك ئارامی" كە لەزنجیرە فیلمەكانی جێمس بۆندە، و هەروەها لەفیلمی هیتمەن،  ئەكتەری سەرەكی بووە، تووشی كۆرۆنا ڤایرۆس بووە".

ئۆلگا كۆرینلكۆ لەئێستادا لەماڵەكەی خۆیدا لەكەرەنتینەدایەو، وێنەی پەنجەرەی ژوورەكەی بە قوفڵكراوی لەئینستاگرامەوە بڵاوكردوەتەوەو نووسیویەتی:" ماندوویەتی لەئێسقانەكان و كۆكەو هیلاكیەكی زۆر جەستەت دەگرێتەوەو تووشی سەرئێشەیەكی قورس دەبیت، بەڕاستی بێزاركەرە".

ئاشكراشیكردوە:" پشكنینەكەی پۆزەتیف دەرچووەو تووشی ڤایرۆسەكە هاتووە".

PUKmedia سەرچاوە: دەیلی مێڵ