وەزیری كشتوكاڵ: عەڵوەكان داناخرێن

.

بێگەرد تاڵەبانی وەزیری كشتوكاڵی حكومەتی هەرێمی كوردستان، ئاشكرایكردوە، لەپێناو بەرزنەبوونەوەی نرخ، عەلوەكان داناخرێن.

بێگەر تاڵەبانی وەزیری كشتوكاڵی حكومەتی هەرێمی كوردستان رایگەیاندوە:" دوای هەماهەنگی كردن لەگەڵ ئەنجوومەنی وەزیران، لیژنەی باڵای رووبەڕووبونەوەی ڤایرۆسی كۆڕۆناو وەزیری ناوخۆ لەپێناو بەرز نەبوونەوەی نرخی سەوزە و میوە دەرگای عەلوەكان داناخرێت".

رونیكردوەتەوە:"هەموو ئەو بارهەڵگرانەی لە دەروازەكانەوەن بۆ ناو هەرێمی كوردستانەوە دێن بارەكانیان لە عەلوەكان دادەگرن.

ئاماژەی بەوەداوە:"بەپێی ئەو پلانەی لەگەڵ بەڕێز وەزیری ناوخۆ دانراوە سەوزەو میوە بە ئۆتۆمبێلی تایبەت لە كۆڵانەكان دەفرۆشرێت ئەمەش لەپێناو بەرز نەبوونەوەی نرخ و بەرژەوەندی هاوڵاتیان".

PUKmedia داڕشتنەوە"سامان "