كه‌نه‌دا.. له‌رۆژی جیهانی ژناندا خۆپیشاندان به‌ڕێوه‌چوو

كه‌نه‌دا.. له‌رۆژی جیهانی ژناندا خۆپیشاندان به‌ڕێوه‌چوو


10/3/2020 09:30:00
چاپ کردن
بە وێنەوە    بە بێ وێنە
           
.

رۆژی 8 مارسی 2020 به‌بۆنه‌ی رۆژی جیهانی ژنان خۆپیشاندانێكی جه‌ماوه‌ری به‌ جۆره‌ها نمایشی سه‌رنج ڕاكێش و ڕازاوه‌ له‌ سه‌نته‌ری شاری توڕونتۆ به‌به‌شداری زیاتر له‌ 10  هه‌زار هاووڵاتی به‌ ڕه‌نگ و نه‌ژادی كه‌لتووری نه‌ته‌وه‌ جیاوازه‌كان وڕێكخراوه‌ جه‌ماوه‌رییه‌كانی ژنان، نوێنه‌ری ئێن جی ئۆكان و خوێندكاران و سه‌ندیكای مامۆستایان و كرێكاران و ڕێكخراوه‌ جه‌پ و سۆشیالیسته‌كان  به‌ڕێوه‌چوو .

سه‌رله‌به‌یانی رۆژی 8 ی مارس له‌ هۆڵی زانكۆی توڕونتۆ كۆڕێكی ڕۆشنبیری به‌ ئاماده‌بوونی ژماره‌یه‌كی زۆری هاووڵاتیان و نوێنه‌ری سه‌ندیكا و رێكخراوه‌كانی مامۆستایان و كرێكاران و خوێندكاران هونه‌رمه‌ندان و نوێنه‌ری ئێن جی ئۆكان سازكرا و چه‌ندین وتار و بابه‌ت له‌و كۆڕه‌دا خرانه‌ به‌ر باس و لێكۆڵینه‌وه‌ .
سه‌ره‌تا خاتوو جانێت به‌ناوی لیژنه‌ی ئاماده‌كاری مه‌راسیمه‌كه‌ له‌ وته‌یه‌كدا وێڕای  ده‌ستخۆشی و هاوكاریكردنی ڕێكخراوه‌كان  بۆ به‌شداریكردنیان له‌ بۆنه‌ی رۆژی جیهانی ژنان ، خاتوو جانێت له‌ وته‌یه‌كدا گرنگی رۆژی هه‌شتی مارس و ڕۆڵ و قوربانیدانی  ژنان له‌و رۆژه‌دا بۆ ئاماده‌بووان ڕوونكرده‌وه‌ . پاشان وتاری سه‌ندیكا و ڕێكخراوه‌كان خوێندرانه‌وه‌ له‌وانه‌ش  سه‌ندیكای مامۆستایان ، نوێنه‌ری كۆمینێتی  ئێران ، كۆمه‌ڵه‌ی خوێندكاران ،  كۆمه‌ڵه‌ی دایكان و باوكان و ڕێكخراوی ژنانی فلیپین و ئه‌فگانستان ، وتاره‌كان به‌گشتی گوزارشتی له‌ ڕووداو و كێشه‌كانی جیهان به‌ گشتی و ده‌ستدرێژی سیكسی سه‌ر كچان و ژنان و مادده‌ی هۆشبه‌ر و چه‌ندین بابه‌تی دیكه‌ ده‌كرد .

گروپی ژنانی شیلی نمایشێكی هونه‌رییان سه‌باره‌ت به‌ده‌ستدرێژی سیكسی بۆسه‌رژنان پێشكه‌شكرد .

كه‌ژاڵ حه‌مه‌ ڕه‌شید نوێنه‌ری كورد و ئه‌ندامی لیژنه‌ی ڕێكخستنی ڕێوڕه‌سمی رۆژی جیهانی ژنان له‌ تورونتۆ به‌ Pukmedia ی ڕاگه‌یاند ، له‌ دوای كۆتایی خۆپیشاندان و ئێواره‌ی هه‌مان رۆژ ، كوردیش كۆمینێتی سه‌نته‌ر له‌هۆڵی زانكۆی توڕونتۆ به‌ئاماده‌ بوونی خاتوو كاڕۆلین ئه‌ندام و نوێنه‌ری كرێكارانی ستیل و ئه‌ندامی لیژنه‌ی ڕێوڕه‌سمی هه‌شتی مارس  و  ژماره‌یه‌كی به‌رچاوی كوردستانیان و چه‌ند ڕێكخراوێكی بیانی ژنان ئاهه‌نگیكی شایسته‌ی به‌ بۆنه‌ی دامه‌زراندنی ڕێكخراوی ( سارا ) ی ژنانی كورد به‌ وتار خوێندنه‌وه‌ و گۆڕانی و زه‌ماوه‌ندی كوردی ڕێكخست .

له‌و ئاهه‌نگه‌دا پێشه‌كی خاتوو گوڵای ئه‌ندامی كوردیش كۆمینێتی و به‌ڕیوبه‌ری ڕێوڕه‌سمه‌كه‌ به‌خێر هاتنی ئاماده‌بووانی كرد وسوپاسی به‌شداربوونیانی كرد ، پاشان بێریڤان باسێكی  پێشكه‌شكرد و تیایدا ڕایگه‌یاند بۆ ڕێزگرتن له‌ خه‌بات و تێكۆشانی شه‌هید ساكینه‌ چانسز كوردیش كۆمینێتی بڕیاری به‌ دامه‌زراندنی ڕێكخراوێكی نوێی ژنانی كورد دا به‌ناوی ڕێكخراوی ( سارا ) پێشتر نازناوی نهێنی شه‌هید ساكینه‌ چانسز بووه‌ ، بێریڤان ڕاشیگه‌یاند ئه‌م ڕێكخراوه‌ له‌سه‌ر بنه‌مای ئایدۆلۆجیای دیموكراسی و یه‌كسانی جینده‌ر و بیروباوه‌ڕی ئۆجه‌لان له‌پێناو پشتیوانی مافی ژنان وسیسته‌می دیموكراسی و كۆنفیدراڵی دامه‌زراوه‌ ، هه‌روه‌ها له‌ به‌شێكی وته‌كه‌یدا نوێنه‌ری كوردیش كۆمینێتی باسێكی ده‌رباره‌ی خه‌بات و زیندانیكردن و دواتر تیرۆركردنی ساكینه‌ چانسز پێشكه‌شكرد كه‌  له‌ ساڵی 2013 له‌ پاریسی پایته‌ختی فه‌ره‌نسا خاتوو ساكینه‌ چانسزله‌گه‌ڵ هاوڕێكانی به‌ پلانی دوژمنانی كورد تیرۆركراون .

خاتوو كارۆلین له‌میانه‌ی ئاهه‌نگدا له‌ به‌شێكی وته‌یه‌كدا ئاماژه‌ی به‌ ڕۆڵی گه‌لی كورد دا كه‌ میلله‌تێكی ئاشتی خوازه‌ و باوه‌ڕی به‌فره‌ كولتووری و پێكه‌وه‌ ژیانی نه‌ته‌وه‌كان هه‌یه‌ ، وتیشی كورد میلله‌تێكه‌ باوه‌ڕیان به‌ فكری ماركسیسزم و چه‌پ بزووتنه‌وه‌ی ئازادیخوازهه‌یه‌  ، كورد باوه‌ڕی به‌یه‌كسانی جێنده‌ر هه‌یه‌ . له‌ كۆتاییدا خاتوو كاڕولین ئاماده‌یی خۆیان بۆ هاوكاری وپشتیوانی ڕێكخراوی ژنانی سارا نیشاندا .

له‌میانه‌ی ئاهه‌نگه‌كه‌دا له‌ڕێی فۆتۆ شۆپ ڤیدیۆی به‌شێك له‌ ژیان و  خه‌باتی  ژنانی ڕۆژئاوای كوردستان نمایش كرا  كه‌ سه‌رنجی ئاماده‌بووانی بۆ ڕۆڵ و خۆڕاگری ژنانی كورد ڕاده‌كێشا .

دواتر به‌ گۆرانی هونه‌رمه‌ندان و زه‌ماوه‌ندی كوردی به‌شداربووان ئاهه‌نگه‌كه‌ كۆتایی هات .


PUKmedia / عوسمان عه‌لی ، تورونتۆ

 

وێنە هەواڵ
  • image04
  • قوباد تاڵه‌بانی بۆ فه‌رمانگه‌كانی سلێمانی: ده‌ستی ماندوبونتان ده‌گوشم

  • image04
  • نیشتمان تەرمی مەریەمی قازی لە ئامێز گرت

  • image04
  • 29 ساڵ به‌سه‌ر كۆڕه‌و تێده‌په‌ڕێت

  • image04
  • تره‌مپ ئامێرێكی نوێی پشكنینی كۆرۆنای راگه‌یاند

  • image04
  • دەزگای تەندروستی پێشمەرگە پرۆژەی لە یادمانن رادەگەیەنێت

  • image04
  • كه‌ره‌نتین شارۆچكه‌ی خه‌لیفانیشی گرته‌وه‌

  • image04
  • پۆلیسی هندستان به‌مشێوه‌یه‌ رێگری له‌هاتنه‌ ده‌ره‌وه‌ی هاووڵاتیان ده‌كه‌ن

  • image04
  • 27ی ئازار رۆژی جیهانی شانۆ‌


                                           

ترۆدۆ پیرۆزبایی نه‌ورۆز له‌ ڕه‌وه‌ندی كوردی ده‌كات


جه‌ستن ترودۆ سه‌رۆك وه‌زیرانی كه‌نه‌دا ، رۆژی 19-3-2020، به‌بۆنه‌ی جه‌ژنی نه‌ورۆزه‌وه‌، پیرۆزبایی له&zw...


  كه‌نه‌دا.. له‌رۆژی جیهانی ژناندا خۆپیشاندان به‌ڕێوه‌چوو
  دانیمارك..یادی ڕۆژی شەهید کرایەوە
                                           

%63ی شه‌هیدانی كوردستان له سنووری سلێمانییه‌


مافناس، ئه‌دیب له‌تیف محه‌مه‌د، به‌ڕێوه‌به‌ری گشتیی كاروباری شه‌هیدان و ئه‌نفالكراوانی سلێمانی له‌دیدارێكیدا له‌گه‌ڵ كوردستانی ...


  44 ساڵ لەمەوبەر کتێبخانەیەک سلێمانی روناککردەوە
  لاهور شێخ جه‌نگی: بۆ كۆنگره‌ له‌گه‌ڵ لێكتێگه‌یشتندام
                                           

با CPJ وردتر كار بكات

د. دیندار زێباری رێكخه‌ری راسپارده‌ نێوده‌وڵه‌تییه‌كان له‌ حكومه‌تی هه‌رێمی كوردستان له‌ڕاگه‌یه‌ندراوێك...


  حه‌فتاو سێ ساڵه‌ كورد بێ قازییه‌
  ته‌ندروستی سلێمانی داوای درێژكردنه‌وه‌ی قه‌ده‌غه‌ی هاتوچۆ ده‌كات


کاریکاتێر