به‌یاننامه‌ی یه‌كێتی مامۆستایانی كوردستان بۆ 8ی ئادار

.

هه‌شتی ئادار پیرۆزه‌ له‌خانمانی كوردستان و جیهان))

ده‌قی به‌یاننامه‌كه‌....
خانمانی خۆشه‌ویست
 جه‌ماوه‌ری كوردستان
یه‌كێتی مامۆستایانی كوردستان خۆی به‌خۆشحاڵ ده‌زانێت له‌ رۆژی هه‌شتی ئاداردا جوانترین پیرۆزبایی له‌ته‌واوی خانمانی هه‌رێمی كوردستان و ته‌واوی جیهان بكات، بڕواشمان وایه‌ كۆمه‌ڵگه‌ هه‌رگیز ته‌ندروست نابێت و ناتوانێت ئه‌ركه‌ كۆمه‌ڵایه‌تی و ئابوری و سیاسه‌كانی جێبه‌جێ یكات ئه‌گه‌ر ژنان رۆڵی ته‌واوی تێدانه‌گێڕن، راسته‌ له‌هه‌رێمی كوردستان له‌ ژێر رۆشنایی بایه‌خ پێدانه‌كانی په‌رله‌مان و حكومه‌تی هه‌رێم جۆرێك له‌ پێشكه‌وتن له‌بواری جێنده‌ر هاتۆته‌ پێشه‌وه‌ له‌بواری په‌روه‌رده‌ش (57%)ی مامۆستایان له‌ ره‌گه‌زی خانمانن، به‌ڵام هێشتا پێداویستیه‌كانی ئه‌و پرۆسێسه‌ بونیادیه‌ به‌رجه‌سته‌ نه‌بووه‌ و كۆسپ و له‌مپه‌ر هه‌یه‌، بۆیه‌ هه‌وڵ و ته‌كانی زۆرتری ده‌وێت، وه‌ك یه‌كێتی مامۆستایانی كوردستان كار بۆ ئه‌و مه‌به‌سته‌ ده‌كه‌ین ئاماده‌شین هاوكاری هه‌موو رێكخراوه‌ تایبه‌تمه‌نده‌كانی  ئه‌و بواره‌ گرنگه‌ بكه‌ین به‌تایبه‌ت رێكخراوه‌كانی خانمانی كوردستان، پیرۆزه‌ له‌خانمان رۆژی هه‌شتی ئادار .
سه‌ركه‌وێ خه‌باتی مه‌ده‌نیانه‌ی خانمان
روه‌و به‌ده‌ستهێنانی ته‌واوی مافه‌كان

یه‌كێتی مامۆستایانی كوردستان        
مه‌كته‌بی سكرتاریه‌ت   

PUKmedia تایبه‌ت