له‌ 8ی مارسدا به‌خه‌باتی ژنی كورد گه‌شبینین

.

قسه‌كردن له‌ سه‌ر ماف و ئازادییه‌كانی ژنان، فره‌ ڕه‌هه‌نده‌،  ڕه‌هه‌ندی سیاسی و ئاینی و كۆمه‌ڵایه‌تی و نه‌ریتی ھه‌یه‌، ئه‌مانه‌ش به‌پێی گۆرانكارییه‌كانی سه‌رده‌م، قابیلی گوڕانن. پاشان ژنیش، وه‌ك ھه‌ر تاكێكی كۆمه‌ڵگا، مافی به‌رجه‌سته‌كردنی ھه‌ر ڕاو بۆچوون و ده‌ربڕینێك و توانا و ھێزی كار و به‌شداریی سیاسی و ئاماده‌گیی له‌ سێكته‌ره‌كانی كۆمه‌ڵگا ھه‌یه‌، مافی خۆشیه‌تی له‌ ھه‌رشوێنێك له‌مپه‌ر له‌ به‌رده‌م ئه‌م مافه‌ سروشتییه‌ی ژن و له‌ پێگه‌و كه‌سێتییدا دروست ببێت، په‌نا بۆ خه‌باتی مه‌ده‌نییانه‌ به‌رێت و داكۆكی له‌ مافه‌كانی خۆی بكات، ھه‌ر بۆیه‌ ده‌بینی ژنی كورد، له‌م خه‌باته‌ مه‌ده‌نیه‌ی خۆیدا ، بێ توندوتیژی نه‌بووه‌و به‌رده‌وامیش له‌ ململانێ و روو به‌ڕووبوونه‌وه‌دایه‌، ئه‌مه‌ش ئه‌گه‌ر به‌راورد بكرێت به‌خه‌باتی ژنانی تری ناوچه‌كه‌، ده‌بینین ژنانی كورد به‌ ھێواشی و به‌پێی نشونمای كۆمه‌ڵگای خۆیان ھه‌نگاویان ھاویشتووه‌، له‌گه‌ڵ ئه‌وه‌شدا خاوه‌نی ده‌ستكه‌وتی گرنگیشن، لیره‌دا ده‌كرێت بڵێین ئه‌و ده‌ستكه‌وتانه‌شی كه‌ به‌ده‌ست ھاتوون كه‌م نین، له‌ ھه‌مان كاتیشدا زۆر نین و ڕه‌نگه‌ پێویست بێ ھه‌نگاوه‌كان خێراتر و چڕتر بكرێن و بابه‌تییانه‌ تریش له‌گه‌ڵ پێشھاته‌كاندا مامه‌ڵه‌ بكرێت.. ماوه‌ته‌وه‌ بوترێ له‌هه‌موو دۆخێكدا ئه‌وه‌ی گرنگه‌ ئه‌وه‌یه‌ كه‌ خه‌ون و خه‌بات به‌رده‌وامه‌، بۆیه‌ له‌ 8ی مارسیشدا ده‌ڵێین به‌رزو پیرۆز بێت تێكۆشانی مه‌ده‌نی و شارستانییانه‌و ره‌وای ژنان.

تابان گه‌رمیانی
ئه‌ندامی سه‌ركردایه‌تی یه‌كێتیی نیشتمانیی كوردستان
بریارده‌ری ، ئه‌نجوومه‌نی سه‌ركردایه‌تی

PUKmedia تایبه‌ت