riklam

نه‌خۆشخانه‌ی ئاسا ده‌كرێته‌وه‌

کوردستان 03:59 PM - 2020-03-07
.

.

سه‌رۆكی ده‌زگای ته‌ندروستی پێشمه‌رگه‌، رایگه‌یاند: كاره‌كانی دروستكردنی نه‌خۆشخانه‌ی "ئاسا" بۆ چاودێری وردو پارێز به‌ندی پزیشكی سه‌ربه‌ ده‌زگای ته‌ندروستی پێشمه‌رگه‌، له‌ كۆتاییدایه‌و رۆژی دووشه‌ممه‌ 9-3-2020، به‌ره‌سمی ده‌كرێته‌وه‌.

د. شه‌ماڵ جه‌بار یاوه‌ر سه‌رۆكی ده‌زگای ته‌ندروستی پێشمه‌رگه‌ ئه‌مڕۆ 7-3-2020، به‌ PUKmedia ی راگه‌یاند: كاركردن له‌ نه‌خۆشخانه‌ی ئاسا بۆ چاودیَری وردو پاریَز به‌ندی پزیشكی سه‌ربه‌ ده‌زگای ته‌ندروستی پیَشمه‌رگه‌، به‌رده‌وامه‌و له‌ ئێستادا نه‌خۆشخانه‌كه‌ له‌ ته‌واوبووندایه‌و رۆژی دووشه‌ممه‌ 9-3-2020، به‌ ره‌سمی ده‌كرێته‌وه‌.

وتیشی: ئێمه‌ شه‌و و ڕۆژمان خستووه‌ته‌ سه‌ر یه‌ك و بێ وه‌ستان ئه‌و ماوه‌یه‌ كارمان كردووه‌و سه‌ره‌ڕای گۆڕانكاری له‌ دیزان و گه‌وره‌كردنی نه‌خۆشخانه‌كه‌، به‌ڵام كاره‌كان زۆر به‌باشی رۆیشتوون و له‌ ئێستادا نه‌خۆشخانه‌كه‌ له‌ ته‌واو بووندایه‌و رۆژی دووشه‌ممه‌ی داهاتوو به‌ ره‌سمی ده‌كرێته‌وه‌.

سه‌رۆكی ده‌زگای ته‌ندروستی پێشمه‌رگه‌ ئاماژه‌ی به‌وه‌شدا، له‌دوای كردنه‌وه‌ی نه‌خۆشخانه‌كه‌ ماوه‌ی 5 رۆژ داده‌نێین بۆ تاقیكردنه‌وه‌و (تێست) كردنی كارمه‌ندان و كاركردن تێیدا له‌ دوای ئه‌و واده‌یه‌شه‌وه‌ نه‌خۆشخانه‌كه‌ چاره‌سه‌ری نه‌خۆشی توشبوو به‌ ڤایرۆسی كۆرۆنای تێدا ده‌كرێت.

وتیشی: سلێمانی چۆن له‌ هه‌موو رووه‌كانه‌وه‌ له‌ پێشه‌وه‌یه‌، ده‌بێت له‌ بواری رووبه‌ڕووبونه‌وه‌ی ڤایرۆسی كۆرۆناش كه‌ یه‌كێكه‌ له‌ په‌تا مه‌ترسیداره‌كان كه‌ به‌رۆكی سه‌رجه‌م وڵاتانی جیهانی گرتووه‌ته‌وه‌، ده‌بێت له‌پێشه‌وه‌ بێت .

له‌گه‌ڵ دروستبوونی مه‌ترسییه‌كان به‌هۆی بڵاوبوونه‌وه‌ی ڤایرۆسی كۆرۆنا، ده‌زگای ته‌ندورستی پێشمه‌رگه‌، سه‌ره‌ڕای ئه‌وه‌ی هه‌موو ئاماده‌كارییه‌كی بۆ رووبه‌ڕووبوونه‌وه‌ی ئه‌و ڤایرۆسه‌ ئه‌نجامدا، بڕیاریدا له‌ماوه‌ی ته‌نها 15 رۆژدا نه‌خۆشخانه‌یه‌كی 50 قه‌ره‌وێڵه‌یی تایبه‌ت به‌ چاره‌سه‌كردنی توشبووان به‌ ڤایرۆسی كۆرۆنا دروست بكات.

PUKmedia تایبه‌ت

 

 

7857575.jpg

45242424.jpg

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket