سبەینێ مووچەی چەند وەزارەتێک دابەشدەکرێت

.

بەپێی راگەیەندراوێکی وەزارەتی دارایی کە کۆپیییەکی بۆ PUKmedia نێردراوە سبەینێ سێ شەممە مووچەی سێ وەزارەت و چەند دەستەیەک دابەشدەکرێت.

لە راگەیەندراوەکەی وەزارەتی دارایدا هاتووە سبەینێ مووچەی وەزارەتەکانی خوێندنی باڵا وناوخۆو شارەوانی لەگەڵ دەزگای ئاسایش و ئەنجومەنی ئاسایش و هێزی زێرەڤانی و هێزی بەرگری فریاکەوتن و لیوای ١ و ٢ ی نەوت و گاز و هەروەها موچەی بەڕێوەبەرایەتی گشتی رەگەزنامە و پاسپۆرت و نشینگەی هەرێم دابەشدەکرێت.

ئەوەش هاتووە رۆژی چوار شەممە مووچەی وەزارەتی کشتوکاڵ و کارەبا و رۆشنبیری و ئاوەدانکردنەوەو هەرسێ سەرۆکایەتییەکە دابەشدەکرێت.

وەزارەتی دارایی ئەوەشیخستوەتەروو، رۆژی پێنج شەممە موچەی خانەنشینی پیشمەرگە و رۆژی شەممەش لەگەڵ ئەوەی پشوی فەرمییە بەڵام بانکەکان کراوە دەبن بۆ دابەشکردنی موچەی خانەنشینی مەدەنی.

PUKmedia تایبەت