تەندروستی جیهانی: سنور بۆ کۆرۆنا دابنێن
ریپۆرتاژ 09:15 AM - 2020-02-29.
لە نوێترین ئاماری توشبوانی کرۆنادا هەزار و ٢٨ حاڵەتی توشبون و ٤٨ حاڵەتی گیانلەدەستدان تۆمارکراوەو لە ئێستادا ڤایرۆسەکە لە ٦٠ وڵات لە جیهاندا بڵاوبوەتەوەو رێکخراوی تەندروستی جیهانیش رایدەگەیەنێت دەتوانرێت سنور بۆ ئەم ڤایرۆسە دابنرێت، هاوکات بەردەوام نرخی نەوت رووی لە دابەزینە کە هۆکارەکەی تەشەنەکردنی ڤایرۆسەکەیە.
ماڵپەڕی وۆڵد ئۆمیتەری جیهانی لە نوێترین ئاماردا رایگەیاندوە، کە لەئێستادا لە ٦٠ وڵاتی جیهان فایرۆزەکە بڵاو بوەتەوەو ژمارەی توشبوانیش بۆ ٨٥ هەزار و ٢١٠ کەس زیادی کردوە.
ئەو ماڵپەڕە ئاماژەی بەوەشداوە، کەهەتا ئێستا بەهۆی ڤایرۆسەکەوە ٢ هەزار و ٩٢٩ کەس گیانیان لەدەستداوە.
هاوکات ئاماژەی بەوەشداوە کە ٣٩ هەزار و ٥٣٩ کەس چارەسەریان بۆ کراوەو نەخۆشخانەیان جێهێشتوە.
دەتوانرێت سنوری بۆ دابنرێت
لە بارەی ڤایرۆسەکەشەوە تیدرۆس گیبریسوس بەرێوەبەری رێكخراوی تەندروستی جیهانی لەكۆنفرانسی رۆژنامەوانی رۆژانەدا لەبارەی خستنەڕووی دواین زانیارییەكان لەبارەی كۆرۆناوە وتی: لەقۆناغێكی یەكلاكەرەوەدان و لەدوو رۆژی رابردوودا ژمارەی تووشبووانی كۆرۆنا لەوڵاتانی جیهان ژمارەی تووشبووانی لەناوخۆی چین تێپەڕاندووە.
وتیشی: ئەوە هەلێكە لەبەردەم هەموو وڵاتان بۆ دانانی سنوورێك بۆ ڤایرۆسی كۆرۆنا و رێگری كردن لەبڵاوبوونەوەی و ئاماژەی بەوەكرد كۆرۆنا وەك ئەنفلۆنزا نیە و دەتوانرێت سنوورێكی بۆ دابنرێت ئەگەر رێوشوێنی گونجاو بگیرێتەبەر.
نرخی نەوت بەردەوام دادەبەزێت
بەهۆی تەشەنەكردنی زیاتری ڤایرۆسی كۆرۆناو كەمبوونەوەی خواست لەسەر سوتەمەنی لە بازاڕەكانی جیهاندا، نرخی نەوت بۆ نزمترین ئاست لە ماوەی 4 ساڵی رابردوودا دابەزی.
بە گوێرەی زانیارییەكانی بازاڕی وزە، ئەمڕۆ نرخی یەك بەرمیل نەوتی برێنت بە ٥٠ دۆلارو ٨ مامەڵەی پێوە كراوە، هاوكات یەك بەرمیل نەوتی خاوی تێكساس بە ٤٥ دۆلار و ٢٥ سەنت فرۆشراوە، بەو شێوەیەش نرخی نەوت بەرێژەی لەسەدا 4 بەهاكەی لەسەدەستداوەو بۆ نزمترین ئاستی لە ماوەی 4 ساڵی رابردوودا دابەزیووە.
ئەوەش لەكاتێدایە چاوەڕێ دەكرا لە نیوەی یەكەمی ئەمساڵدا خواست لەسەر نەوت لە سەرتاسەری جیهان بە تایبەت وڵاتانی ئاسیاو ئەوروپا روو لەبەرزبوونەوە بكاتو نرخەكەشی زیاتر روو لە هەڵكشان بكات.
هەفتەی هەستیاری رادەگەیەنرێت
د.سەباح ھەورامی بەرێوبەری گشتی تەندروستی سلێمانی لە راگەیەندراوێکدا کە کۆپییەکی دەست PUKmedia کەوتوە لەچەند خاڵێکدا هۆشداری دەداتە هاوڵاتیانی شاری سلێمانی:
رێنماییەکانی تەندروستی سلێمانی.............
۱.هەفتەی داهاتوو هەفتەیەکی هەستیارە بۆ خۆپارێزی لە پەتای کۆرۆنا لە شاری سلێمانی و دەوروبەی .
۲.داوا لە هاوڵاتیانی شاری سلێمانی و دەوروبەری دەکەین زیاتر پابەندی رێنماییە تەندروستیەکان بن لە هەفتەی داهاتووەوە.
۳.ئەو هاوڵاتیانەی لە وڵاتی ئێران گەراونەتەوە پێویستە لە شوێنێکی جیاکراوە چاودێری بکرێن و بەرکەوتنیان لەگەڵ هاوڵاتیانی تر نەبێت.
٤.هەر هاوڵاتیەک لە وڵاتی ئێران گەراوەتەوە نیشانەکانی وەک (بەرزی پلەی گەرمی و کۆکە و پژمینی) هەیە پێویستە سەردانی کلینیکی چارەسەری کۆرۆنا بکات لە گەرەکی (سەرچنار).
۵. هەر هاوڵاتیەک سەردانی ئێرانی نەکردبێت یان بەرکەوتنی راستەوخۆی لەگەڵ کەسانێک نەبوبێت کە لە ئێران گەرابێتەوە لە کاتی هەبونی نیشانەکانی پەتای ئەنفلۆنزادا پێویست ناکات سەردانی نەخۆشخانە بکات لە ئێستادا.
PUKmedia تایبەت
هەواڵی زیاتر
-
د. بڕیار رەشید: تەوتینی مووچە لەهەرێم بە ئاسانی دەکرێت
08:31 PM - 2024-04-18 -
كونسوڵی روسیا: یهكێتی هێزێكی كاریگهره
04:42 PM - 2024-04-18 -
وتەبێژی یەکێتی: حکومەت و پەرلەمانێکی کارامان دەوێت
02:20 PM - 2024-04-18 -
جهزای سهید مهجید وهك لێپرسراوی بەشی كارگێڕیی رێكخستن دهسبهكاربوو
01:21 PM - 2024-04-18
ئەمانەش ببینە
کوردستان 05:05 PM - 2024-04-18 ئەنجومەنی سەرکردایەتی: پاراستن و بەهێزکردنی هەرێم تەنها بەهەڵبژاردن دەبێت
سەرۆک بافڵ: یەکێتی ئامادەی هەڵبژاردنە
03:49 PM - 2024-04-18
کۆمسیۆن وادەی بانگەشەی هەڵبژاردن دیاریدەکات
10:29 AM - 2024-04-18
ئهنجومهنی سهركردایهتی بۆ ئامادهكارییهكانی ههڵبژاردن كۆدهبێتهوه
10:01 AM - 2024-04-18
سەرۆک بافڵ و سەید عەممار حەکیم: گفتۆگۆی بنیاتنەرانە لە پێناوی سەقامگیریدا بێت
10:06 PM - 2024-04-17
زۆرترین خوێنراو
-
د. بڕیار رەشید: تەوتینی مووچە لەهەرێم بە ئاسانی دەکرێت
کوردستان 08:31 PM - 2024-04-18 -
ئەنجومەنی سەرکردایەتی: پاراستن و بەهێزکردنی هەرێم تەنها بەهەڵبژاردن دەبێت
کوردستان 05:05 PM - 2024-04-18 -
كونسوڵی روسیا: یهكێتی هێزێكی كاریگهره
کوردستان 04:42 PM - 2024-04-18 -
سەرۆک بافڵ: یەکێتی ئامادەی هەڵبژاردنە
کوردستان 03:49 PM - 2024-04-18 -
وتەبێژی یەکێتی: حکومەت و پەرلەمانێکی کارامان دەوێت
کوردستان 02:20 PM - 2024-04-18 -
جهزای سهید مهجید وهك لێپرسراوی بەشی كارگێڕیی رێكخستن دهسبهكاربوو
کوردستان 01:21 PM - 2024-04-18 -
کۆمسیۆن وادەی بانگەشەی هەڵبژاردن دیاریدەکات
کوردستان 10:29 AM - 2024-04-18 -
ئێزدییەكان ، دیرۆك و دابونەریتیان
کوردستان 10:05 AM - 2024-04-18