گەڕەكێكی سلێمانی بێ كارەبا دەبێت

.

سبەینێ گەڕەكی شەهیدانی زەرگەتە و ئەو ماڵانەی دەكەونەسەر هەرفیدەری 152 و تەلارە بازرگانییەكانی شەقامی مەلیك محمود پێوەری زیرەكی كارەبایان بۆ دەبەسترێت و چەند سەعاتێك بێ كارەبا دەبن.

بەڕێوەبەرایەتی كارەبای سلێمانی لە راگەیەنراوێكدا، ئاگاداری دانیشتوانی گەڕەكی شەهیدانی زەرگەتە و ئەو ماڵانەی دەكەونەسەر هەرفیدەری 152 و تەلارە بازرگانییەكانی شەقامی مەلیك محمود بەرامبەر سوپەرماركێتی ئاڵتون دەكاتەوە سبەینێ پێنج شە‌ممە 27-2-2020، پێوەری زیرەكی كارەبایان بۆ دەبەسترێت.

ئەوەش راگەیەنراوە: لەسەعات 8 ی بەیانی سبەینێوە بۆ 4 ئێوارە، كارەبای نیشتمانی و موەلیدەیان نابێت، لە پێناو سەلامەتی گیانی تیمەكانی كارەبا و هاووڵاتیان خۆیان.

ئاماژە بەوەشدراوە، بەستنی پێوەرەكە بێبەرامبەرە و هیچ بڕە پارەیەك لە هاووڵاتی وەرناگیرێت، داواكاریشین كە هاوكاری تیمەكانی بەستنی پێوەرەكە بن بۆ ئەوەی كارەكان بە باشی بەڕێوە بچێت.

PUKmedia بەڕێوەبەرایەتی كارەبای سلێمانی